EUSTATek egin duen Azalera Handietako Merkataritzaren Indize berriko datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urterako %10,3ko hazkunde nominala izan zuten 2005eko abenduan. Prezioen eragin inflazionista kenduz gero, abenduko urtetik urterako tasak %6,7ko gehitzea izan zuen, euro konstanteetan.

2005eko abenduan, urte bereko azaroaren aldean, desestazionalizatutako hileko datuek hil arteko %2,5eko hazkundea izan zuten urteko terminoetan eta %2,2koa prezio konstanteetan.

Euskal Autonomia Erkidegoko hiru lurraldeetako salmentek hazkunde nominala izan zuten, hain zuzen ere: Araban %5,2 hazi ziren salmentak, Bizkaian %15,6 eta Gipuzkoan %3,4. Termino errealetan, azalera handiek ere urtetik urterako aldaketa positiboak izan zituzten hiru lurraldeetan: Alaban %1,8, Bizkaian %11,7 eta Gipuzkoan %0,4.

Jateko produktuen salmentek, Euskal Autonomia Erkidegoan, %6,0ko urte arteko hazkunde nominala izan zuten 2005eko abenduan; eta gainerako salgaiek %12,7ko gehitzea izan zuten. Termino errealetan, jateko produktuen salmentak %2,1 hazi ziren eta gainerako produktuak %9,3.

Arabako azalera handietako salmentek urtetik urterako %5,7ko gehitzea izan zuten urteko prezioetan (2005eko abenduan, azaroaren aldean), eta %5,5 gehitu ziren termino konstanteetan.

Bizkaiko azalera handietako salmentak urteko prezioetan %1,8 gehitu ziren abenduan, azaroaren aldean; prezio konstanteetan, gainera, %1,7 gehitu ziren hil arteko aldi horretan.

Abenduko hil arteko hazkunde nominala %2,0koa izan zen Gipuzkoako azalera handietako salmentei dagokienez, eta euro konstanteen kasuan %1,2 gehitu ziren salmenta horiek.

2005eko abenduan azalera handietako establezimenduetako langileen kopurua %1,9 gehitu zen, urte bereko azaroaren aldean; Bizkaian %3,3ko aldakuntza positiboa izan zuen eta Gipuzkoak %0,6koa, baina Araban hil artean %1,2 gutxitu zen kopuru hori.

2005. URTEKO BALANTZEA

EUSTATek egin duen Azalera Handietako Merkataritzaren Indizearen arabera, Euskal Autonomia Erkidegoko azalera handietako salmentek %12,6ko hazkunde nominala izan zuten 2005eko hamabi hilabeteetan zehar, aurreko urteko aldi berarekin alderatuz. Prezioen eragina kenduz gero hazkunde hori %9,3ko tasa erreala bihurtzen da, lan-egutegi homogeneoari dagokionez.

Lurralde historikoka 2005. urte osoan metatu diren bilakaera errealak ondokoak dira: Araban salmentak %1,6 gehitu ziren, Bizkaian %14,3 eta Gipuzkoan %4,4.