EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %1,8ko hazkunde nominala izan dute 2006ko martxoan. Prezioen eragin inflazionista kenduz gero, martxoko urte arteko tasak %1,3ko beherapena izan dute euro finkotan.

Urteko lehenengo hiru hilabeteetako salmentak %6,6 gehitu dira urteko prezioetan, eta %3,3 prezio konstanteetan.

2006ko martxoan, urte bereko otsailaren aldean, desestazionalizatutako hileko datuek hil arteko %1,9ko gehikuntza izan dute urteko prezioetan eta %0,8koa prezio konstanteetan.

Jateko produktuen salmentek, Euskal Autonomia Erkidegoan, %2,5eko urte arteko hazkunde nominala izan dute 2006ko martxoan; eta gainerako salgaiek %1,4ko gehitzea izan dute. Balio errealetan, elikagaien salmentak %1,2 gutxitu dira eta gainerako produktuak %1,3.

Lurraldeak banan-banan aztertuz gero ikusten da soilik Euskal Autonomia Erkidegoko bi lurraldetan izan dutela hazkunde nominala salmentek: Araban salmenta horiek %11,1 gehitu dira eta Bizkaian %1,1, baina Gipuzkoan salmentak %1,6 gutxitu dira. Datu horiek guztiak 2005eko martxoarekin alderatutakoak dira betiere. Balio errealetan, aurreko urteko aldi beraren aldean, Araban %7,8 gehitu dira salmentak baina Bizkaian %1,8 eta Gipuzkoan %5,0 gutxitu dira.

Aurreko hilabetearen aldean, Arabako azalera handietako salmentak hil artean (2006ko otsailetik 2006ko martxora) %4,8 gehitu dira urteko prezioetan eta %4,4 prezio konstanteetan.

Bizkaian, bestalde, salmentak urteko prezioetan %1,1 gehitu dira martxoan, aurreko hilabetearen aldean; prezio konstanteetan, alabaina, %0,4 gutxitu dira hil arteko aldi horretan.

Gipuzkoan, azalera handietako salmentek martxoan hil arteko %2,0ko hazkunde nominala izan dute, eta euro konstanteen kasuan %1,4 gehitu dira salmenta horiek.

2006ko martxoan, otsailaren aldean, azalera handietako establezimenduetako langileen kopurua %1,3 gutxitu da; Araban (%1,2) eta Gipuzkoan (%1,3) aldaketa positiboa izan da, baina Bizkaian negatiboa (%-2,9).