EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %2,5eko hazkunde nominala izan dute 2006ko apirilean. Prezioen eragin inflazionista kenduz gero, apirileko urte arteko tasak %1,2ko beherapena izan du euro finkotan.

Urteko lehenengo lau hilabeteetako salmentak %5,6 gehitu dira urteko prezioetan eta %2,2 prezio konstanteetan.

2006ko apirilean, urte bereko martxoaren aldean, desestazionalizatutako hileko datuek hil arteko %1,7ko gehikuntza izan dute urteko prezioetan eta %1,1ekoa prezio konstanteetan.

Jateko produktuen salmentek, %3,9ko urte arteko hazkunde nominala izan dute 2006ko apirilean; eta gainerako salgaiek %1,7koa. Balio errealetan, elikagaien salmentak berdin mantendu dira (%0,0) eta gainerako produktuak %1,9 gutxitu dira.

Lurraldeak banan-banan aztertuz gero ikusten da Euskal Autonomia Erkidegoko hiru lurraldeetan izan dutela hazkunde nominala salmentek: Araban salmenta horiek %5,9 gehitu dira, Bizkaian %2,5 eta Gipuzkoan %0,6. Datu horiek guztiak 2005eko apirilarekin alderatutakoak dira betiere. Balio errealetan, aurreko urteko aldi beraren aldean, Araban %2,4 gehitu dira salmentak baina Bizkaian %1,3 eta Gipuzkoan %2,9 gutxitu dira.

Aurreko hilabetearen aldean, Arabako azalera handietako salmentak hil artean (2006ko martxotik 2006ko apirilera) %0,8 gutxitu dira urteko prezioetan eta %1,6 prezio konstanteetan.

Bizkaian, bestalde, salmentak urteko prezioetan %2,8 gehitu dira apirilean, aurreko hilabetearen aldean; prezio konstanteetan, alabaina, %2,1 gehitu dira hil arteko aldi horretan.

Gipuzkoan, azalera handietako salmentek hil arteko %0,8ko hazkunde nominala izan dute apirilean, eta euro konstanteen kasuan %0,5 gehitu dira salmenta horiek.

2006ko apirilean, martxoaren aldean, azalera handietako establezimenduetako langileen kopurua %0,1 gutxitu da hil batetik bestera; Bizkaian (%0,1) aldaketa positiboa eman da, Gipuzkoan (%-0,6) negatiboa eta Araban ez da aldaketarik eman (%0,0).