EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %6,9ko hazkunde nominala izan zuten 2006ko maiatzean. Prezioen eragin inflazionista kenduz gero, maiatzeko urtetik urterako tasak %3,2ko gehikuntza izan zuen, euro konstanteetan.

Urteko lehenengo bost hilabeteetako salmentak %5,9 gehitu ziren urteko prezioetan, eta %2,4 prezio konstanteetan.

2006ko maiatzean, urte bereko apirilaren aldean, desestazionalizatutako hileko datuek hil arteko %1,7ko gutxitzea izan zuten urteko prezioetan eta %2,5ekoa prezio konstanteetan.

Jateko produktuen salmentek, %7,4ko urte arteko hazkunde nominala izan zuten 2006ko maiatzean; eta gainerako salgaiek %6,7koa. Termino errealetan, elikagaien salmentak %3,3 gehitu ziren eta gainerako produktuak %3,1.

Lurraldeak banan-banan aztertuz gero ikusten da Euskal Autonomia Erkidegoko hiru lurraldeetan izan zutela hazkunde nominala salmentek: Araban salmenta horiek %11,4 gehitu ziren, Bizkaian %6,3 eta Gipuzkoan %5,7. Datu horiek guztiak 2005eko maiatzarekin alderatutakoak dira betiere. Balio errealetan, aurreko urteko aldi beraren aldean, Araban %7,4 gehitu ziren salmentak, Bizkaian %2,6 eta Gipuzkoan %1,9.

Aurreko hilabetearen aldean, Arabako azalera handietako salmentak hil artean (2006ko apiriletik 2006ko maiatzera) %0,3 gutxitu ziren urteko prezioetan eta %0,9 prezio konstanteetan.

Bizkaian, bestalde, salmentak urteko prezioetan %2,9 gutxitu ziren maiatzean, aurreko hilabetearen aldean; eta prezio konstanteetan %3,7 gutxitu ziren hil arteko aldi horretan.

Gipuzkoan, azalera handietako salmentak hil artean %0,1 gutxitu ziren maiatzean, eta euro konstanteen kasuan %0,9 gutxitu ziren salmenta horiek.

2006ko maiatzean, apirilaren aldean, azalera handietako establezimenduetako langileen kopurua %0,4 gutxitu zen; Araban (%1,3) eta Gipuzkoan (%0,2) aldaketa positiboa izan zen, baina Bizkaian negatiboa (%-1,1).