EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %3,4ko hazkunde nominala izan dute 2006ko ekainean. Prezioen eragin inflazionista kenduz gero, ekaineko urtetik urterako tasak %0,1eko gehitzea izan zuen, euro konstanteetan.

Urteko lehenengo sei hilabeteetako salmentak %5,5 gehitu dira urteko prezioetan, eta %2,0 prezio konstanteetan.

2006ko ekainean, urte bereko maiatzaren aldean, desestazionalizatutako hileko datuek hil arteko %1,3ko handitzea izan zuten, bai prezio arruntetan, bai prezio konstanteetan.

Jateko produktuen salmentek, %3,1eko urte arteko hazkunde nominala izan dute 2006ko ekainean; eta gainerako salgaiek %3,6koa. Termino errealetan, elikagaien salmentak %0,8 gutxitu ziren eta gainerako produktuak %0,6.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Lurraldeak banan-banan aztertuz gero ikusten da Euskal Autonomia Erkidegoko hiru lurraldeetan izan zutela hazkunde nominala salmentek: Araban salmenta horiek %7,3 gehitu ziren, Bizkaian %3,5 eta Gipuzkoan %1,1. Datu horiek guztiak 2005eko ekainarekin alderatutakoak dira betiere. Balio errealetan, aurreko urteko hilabete beraren aldean, Araban %3,6 gehitu ziren salmentak, Bizkaian %0,3 eta Gipuzkoan %2,3.

Aurreko hilabetearen aldean, Arabako azalera handietako salmentak hil artean (2006ko maiatzetik 2006ko ekainera) %1,1 gehitu dira urteko prezioetan eta %1,0 prezio konstanteetan.

Bizkaian, bestalde, salmentak urteko prezioetan %2,1 gehitu dira ekainean, aurreko hilabetearen aldean; prezio konstanteetan, berriz, %2,3 gehitu dira hil arteko aldi horretan.

Gipuzkoan, azalera handietako salmentak hil artean %0,4 gutxitu ziren ekainean, eta euro konstanteen kasuan %0,4 gutxitu ziren salmenta horiek.

2006ko ekainean, maiatzaren aldean, azalera handietako establezimenduetako langileen kopurua %1,2 gehitu da hil batetik bestera. Gehikuntza lurralde guztietan gertatu da: Araban %2,8koa izan da, Bizkaian %0,9koa eta Gipuzkoan %0,7koa.