EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %6,4ko hazkunde nominala izan dute 2006ko irailean. Prezioen eragin inflazionista kenduz gero, iraileko urtetik urterako tasak %4,2ko gehitzea izan zuen, euro konstanteetan.

Urteko lehenengo bederatzi hilabeteetako salmentak %5,6 gehitu dira urteko prezioetan eta %2,2 prezio konstanteetan.

2006ko irailean, urte bereko abuztuaren aldean, desestazionalizatutako hileko datuek hil arteko %2,1eko beherapena izan dute urteko prezioetan eta %2,0ko beherapena prezio konstanteetan.

Jateko produktuen salmentek, %11,0ko urte arteko hazkunde nominala izan zuten 2006ko irailean; eta gainerako salgaiek %4,1ekoa. Termino errealetan, elikagaien salmentak %7,7 gehitu ziren eta gainerako produktuak %2,5.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Lurraldeak banan-banan aztertuz gero ikusten da Euskal Autonomia Erkidegoko hiru lurraldeetan izan dutela hazkunde nominala salmentek: Araban salmenta horiek %7,4 gehitu dira, Bizkaian %6,0 eta Gipuzkoan %6,7. Datu horiek guztiak 2005eko irailarekin alderatutakoak dira betiere. Balio errealetan, aurreko urteko hilabete beraren aldean, Araban %4,9 gehitu ziren salmentak, Bizkaian %3,6 eta Gipuzkoan %5,1.

Aurreko hilabetearen aldean, Arabako azalera handietako salmentak hil artean (2006ko abuztutik 2006ko irailera) %3,6 gutxitu ziren urteko prezioetan eta prezio konstanteetan gutxitze bera eman zen (%3,6).

Bizkaian, bestalde, salmentak urteko prezioetan %2,8 gutxitu dira irailean, aurreko hilabetearen aldean; prezio konstanteetan, alabaina, %2,7 gutxitu dira hil arteko aldi horretan.

Gipuzkoan, azalera handietako salmentek hil arteko %0,3ko hazkunde nominala izan dute irailean, eta euro konstanteen kasuan %0,5 gehitu dira salmenta horiek.

2006ko irailean, abuztuaren aldean, azalera handietako establezimenduetako langileen kopuruak berdin jarraitu zuen (%0,0); izan ere, Araban (%0,6) eta Bizkaian (%0,4) kopuru hori gehitu egin zen baina Gipuzkoan gutxitu egin zen (%1,5).