EUSTATek landutako datuen arabera, lanegutegiko baldintza homogeneotan, 2006ko urrian %1,1eko urte arteko jaitsiera nominala izan zuten Euskal AEko azalera handietan egindako salmentek, aurreko urteko hil beraren aldean. Prezioen eragin inflazionista kenduz gero, urriko urte arteko tasak %3,2ko jaitsiera izan zuen, euro konstanteetan.

Urteko lehen hamar hilabeteetan metatutako salmentak %4,9 igo ziren uneko terminotan, eta %1,6ko igoera izan zuten prezio finkoetan.

2006ko urrian, urte bereko irailaren aldean, desestazionalizatutako hileko datuek hil arteko %3,9ko beherakada izan zuten uneko terminoetan, eta %4,1eko beherakada prezio finkoetan.

Jateko produktuen salmentek %0,8ko urte arteko jaitsiera nominala izan zuten 2006ko urrian, eta gainerako gaien salmentek %1,2koa. Termino errealetan, jateko produktuen salmentak %4,5 jaitsi ziren eta gainerako produktuenak, aldiz, %2,5.

Azalera Handietako Merkataritzaren Indizea, lurralde historikoka. Prezio finkoak. Egutegieragin zuzendua duten datuak.

Iturria: EUSTAT

Lurralde historikoak bananbanan aztertuta ikusten denez, eta betiere 2005eko urriaren aldean, Araban salmenta nominalek gora egin dute %2,2. Bizkaian eta Gipuzkoan, aldiz, behera egin dute %1,3 eta %2,6 hurrenez hurren. Balio errealetan, joan den urteko hil beraren aldean, Araban %0,3ko hazkundea izan zuten, Bizkaian %3,4 jaitsi ziren eta Gipuzkoan %4,8 jaitsi ziren.

Aurreko hilaren aldean, Arabako azalera handietako salmentek hil arteko %4,0ko jaitsiera izan zuten (2006ko urria 2006ko irailarekin erkatuta) uneko prezioetan, eta %4,2ko jaitsiera termino finkoetan.

Bestalde, Bizkaian salmentek behera egin zuten urrian, irailarekin erkatuta. Uneko terminotan %4,4 jaitsi ziren, eta termino finkoetan %4,6 jaitsi ziren hil arteko aldi berean.

Gipuzkoan, urriko hil arteko beherakada nominala %2,9koa izan zen azalera handietako salmentei dagokienez. Euro konstanteei dagokienez, beherakada %2,9koa izan zen.

Azalera handietako establezimenduetako enplegatuak %0,2 jaitsi ziren 2006ko urrian, irailaren aldean. Izan ere, Araban igo ziren arren (%0,9), Bizkaian eta Gipuzkoan jaitsi egin ziren, %0,3 eta %0,8 hurrenez hurren.