EUSTATen datuen arabera, Euskal Autonomia Erkidegoko industriako prezioek %0,7ko hazkundea izan dute 2007ko otsailean. Datu horien arabera, gainera, azken hamabi hilabeteetako industriako prezioen aldaketa jaso duen otsaileko urte arteko tasak %4,5eko hazkundea izan du.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko otsaileko urte arteko hazkundea

Iturria: EUSTAT

Sektore-azterketa xehekatuenak erakutsi bezala 2007ko otsailean, eta aurreko hilabetearen aldean, hauexek izan dira inflazio handiena izan duten adarrak: “petrolioaren birfinketa” (%4,0), “garraio-materiala” (%3,5), “industria ez metalikoa” (%1,1) eta “larruaren eta oinetakoen industria” (%0,8). Aitzitik, prezioetan beherakadak izan dituzten sektoreak hauexek izan dira: “material elektrikoa” (%-1,4), “makinaria” (%-0,5), “mineral metalikoak eta ez-metalikoak” (%-0,4), “ehungintza eta jantzigintza” (%-0,4) eta “industria kimikoa” (%-0,3).

2006ko otsailetik 2007ko otsailera arteko aldian, prezioen hazkunderik handienak ondoko adarretan eman dira: “metalurgia eta gai metalikoak” (%10,9), “energia elektrikoa, gasa eta ura” (%10,8), “ehungintza eta jantzigintza” (%5,3) eta “elikaduraren industria” (%4,6). Baina prezioen beherapenak edo hazkunde txikiagoak izan dituzte ondoko sektoreek: “petrolioaren birfinketa” (%-8,2), “material elektrikoa” (%-1,4), “mineral metalikoak eta ez-metalikoak” (%-0,4) eta “papergintza edizioa eta arte grafikoak” (%1,5).

Xede ekonomikoaren araberako ondasunen sailkapenari jarraituz, sektore garrantzitsuenen prezioek otsailean izan duten bilakaerak gorako joera izan du guztietan. Energiaren prezioek %2,8 egin dute gora otsailean, aurreko hilabetearen aldean; ekipamenduko ondasunen prezioek %1 egin dute gora; tarteko ondasunenak %0,2 eta kontsumo-ondasunenak %0,4. Hain zuzen, azken hauen gorakada kontsumo-ondasun iraunkorren eta kontsumo-ondasun ez iraunkorren hazkundearen ondorioz (%0,4 bi kasuetan) gertatu da.

Sektore multzo garrantzitsu hauen prezioen bilakaerek urtetik urtera ezberdintasun nabarmenak egon direla erakusten dute. Energiaren prezioak %2,4 murriztu dira. Tarteko ondasunen prezioak %8,0 gehitu dira, ekipamenduko ondasunenak %3,3 gehitu dira eta kontsumo-ondasunenak %3,2. Azken hauen artean, %3,6 igo dira kontsumo-ondasun ez iraunkorren prezioak eta %2,4 kontsumo-ondasun iraunkorren prezioak.

Iturria: EUSTAT