EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %1,9ko hazkunde nominala izan dute 2007ko urtarrilean. Prezioen eragin inflazionista kenduz gero, urtarrileko urte arteko tasak %0,3ko beherapena izan dute euro finkotan.

2007ko urtarrilean, 2006ko abenduaren aldean, desestazionalizatutako hileko datuek hil arteko %1,0eko beherapena izan dute urteko prezioetan eta %1,0ekoa ere prezio konstanteetan.

Elikagaien salmentek, Euskal Autonomia Erkidegoan, %2,7ko urte arteko hazkunde nominala izan dute 2007ko urtarrilean; eta gainerako salgaiek %1,5eko gehitzea izan dute. Balio errealetan, elikagaien salmentak %0,7 gutxitu dira eta gainerako produktuak %0,1.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Euskal Autonomia Erkidegoko hiru lurraldeetako salmentek hazkunde nominala izan dute, hain zuzen ere: Araban %4,3 hazi dira salmentak, Bizkaian %0,3 eta Gipuzkoan %3,9. Balio errealetan, hiru lurraldeetako bitan azalera handiek urtetik urtera aldaketa positiboak izan dituzte: Araba (%2,3) eta Gipuzkoa (%1,5), baina Bizkaiak %1,7 egin du atzera.

Arabako azalera handietako salmentek urtetik urterako %1,7ko gehitzea izan dute urteko prezioetan (2007ko urtarrilean, 2006ko abenduaren aldean), eta %1,8 gehitu dira termino konstanteetan.

Bizkaiko azalera handietako salmentak urteko prezioetan %2,9 gutxitu dira urtarrilean, aurreko urteko abenduaren aldean; prezio konstanteetan, gainera, %2,9 gutxitu dira hil arteko aldi horretan.

Urtarrileko hil arteko gehitze nominala %1,6koa izan da Gipuzkoako azalera handietako salmentei dagokienez, eta euro konstanteen kasuan ere %1,6 gehitu dira salmenta horiek.

2007ko urtarrilean azalera handietako establezimenduetako langileen kopurua %1,5 gutxitu da, aurreko urteko abenduaren aldean; Araban aldaketa negatiboa %2,3koa izan da, Bizkaian %1,2koa eta Gipuzkoan %1,5ekoa.