EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %3,9ko hazkunde nominala izan dute 2006ko abenduan. Prezioen eragin inflazionista kenduz gero, abenduko urtetik urterako tasak %1,6ko gehitzea izan zuen, euro konstanteetan.

2006ko abenduan, urte bereko azaroaren aldean, desestazionalizatutako hileko datuek hil arteko %1,7ko hazkundea izan zuten urteko prezioetan eta %1,3koa prezio konstanteetan.

Euskal Autonomia Erkidegoko hiru lurraldeetako salmentek hazkunde nominala izan zuten, hain zuzen ere: Araban %3,1 hazi ziren salmentak, Bizkaian %5,4 eta Gipuzkoan %1,2. Termino errealetan, azalera handiek urte batetik bestera aldaketa positiboak izan zituzten Araban (%0,7) eta Bizkaian (%3,1), baina Gipuzkoan horien kopurua gutxitu egin zen (%0,9).

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Jateko produktuen salmentek, Euskal Autonomia Erkidegoan, %4,2ko urte arteko hazkunde nominala izan zuten 2006ko abenduan; eta gainerako salgaiek %3,7ko gehikuntza izan zuten. Termino errealetan, jateko produktuen salmentak %1,0 hazi ziren eta gainerako produktuak %1,9.

Arabako azalera handietako salmentek urtetik urterako %1,1eko gehitzea izan zuten urteko prezioetan (2006ko abenduan, azaroaren aldean), eta %1,0 gehitu ziren termino konstanteetan.

Bizkaiko azalera handietako salmentak urteko prezioetan %3,2 gehitu ziren abenduan, azaroaren aldean; prezio konstanteetan, gainera, %2,9 gehitu ziren hil arteko aldi horretan.

Gipuzkoan, alabaina, azarotik abendura %1,2ko gutxitze nominala eman zen, hau da, euro konstanteetan %1,7ko gutxitzea eman zen.

2006ko azarotik abendura bitartean azalera handietako establezimenduetako langileen kopurua %1,1 gehitu zen. Hain zuzen, hiru lurraldeetan gehitu zen langileen kopurua: Araban %1,6 gehitu zen kopuru hori, Bizkaian %0,3 eta Gipuzkoan %2,8.

2006. URTEKO BALANTZEA

Euskal Autonomia Erkidegoko azalera handietako salmentek %4,6ko hazkunde nominala izan zuten 2006ko hamabi hilabeteetan zehar, aurreko urte osoaren aldean. Prezioen eragina kenduz gero hazkunde hori %1,6ko tasa erreala bihurtzen da, lan-egutegi homogeneoari dagokionez.

Lurralde historikoka 2006. urte osoan metatu diren bilakaera errealak ondokoak dira: Araban salmentak %3,9 gehitu ziren, Bizkaian %2,3 eta Gipuzkoan %1,2.

Azalera handietako merkataritzaren indizea, lurralde historikoaren arabera.

2006. urteko balantzea. Salmentak

Iturria: EUSTAT