EUSTATek landutako datuen arabera, lan-egutegiko baldintza homogeneotan, 2007ko apirilean %1,0ko urte arteko igoera nominala izan zuten Euskal AEko azalera handietako salmentek. Prezioen eragin inflazionista kenduz gero, apirileko urte arteko tasak %1,4ko jaitsiera izan zuen, euro finkoetan.

2007ko apirilean, urte bereko martxoren aldean, desestazionalizatutako hileko datuek %4,9ko beherakada izan zuten prezio finkoetan.

Elikagaien salmentek, Euskal AEn, % 3ko urte arteko gehikuntza nominala izan zuten 2007ko apirilean; eta gainerako salgaienek % 0,2ko jaitsiera. Termino errealetan, elikagaien salmentak %0,3 jaitsi ziren eta gainerako produktuenak %2,0.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek hazkunde nominalak izan zituzten Euskal AEko hiru lurraldeetan: %2,3 igo ziren Araban, %0,7 Bizkaian, eta %0,8 Gipuzkoan. Termino errealetan, hiru lurraldeetako azalera handiek urte arteko aldakuntza negatiboak izan zituzten Bizkaian (%-1,5) eta Gipuzkoan (%-1,9); Araban aldakuntzarik ez (%0,0).

Arabako azalera handietako salmentek hil arteko %6,8ko jaitsiera izan zuten termino finkoetan. Bizkaian ere jaitsi egin ziren azalera handietako salmentak hil arteko aldi berean, %4,9; eta Gipuzkoan %1,7koa izan zen jaitsiera, euro finkoetan.

Azalera handietako establezimenduetako langile kopurua %0,1 murriztu zen 2007ko apirilean martxoarekin alderatuta; Gipuzkoan %-1,6koa izan zen murrizketa; Araban eta Bizkaian hazi egin zen kopurua, %1,6 eta %0,1 hurrenez hurren.