EUSTATek landutako datuen arabera, lanegutegiko baldintza homogeneotan, 2007ko maiatzean %1,5eko urte arteko igoera nominala izan zuten Euskal AEko azalera handietako salmentek. Prezioen eragin inflazionista kenduz gero, maiatzeko urte arteko tasak %0,7ko jaitsiera izan zuen, euro finkoetan.

2007ko maiatzean, urte bereko apirilaren aldean, desestazionalizatutako hileko datuek %0,9ko beherakada izan zuten prezio finkoetan.

Jateko produktuen salmentek, Euskal AEn, %2,7ko urte arteko hazkunde nominala izan zuten 2007ko maiatzean; eta gainerako salgaiek %0,9koa.

Termino errealetan, elikagaien salmentak %0,6 jaitsi ziren eta gainerako produktuenak %0,8.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek hazkunde nominalak izan zituzten Euskal AEko hiru lurraldeetan: %0,8 igo ziren Araban, %1,7 Bizkaian, eta %1,6 Gipuzkoan. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %1,4 jaitsi ziren, Bizkaian %0,4 eta Gipuzkoan %0,9.

Arabako azalera handietako salmentek hil arteko %0,6ko jaitsiera izan zuten termino finkoetan. Bizkaian ere jaitsi egin ziren azalera handietako salmentak hil arteko aldi berean, %1,0; eta Gipuzkoan igoera gertatu zen, %0,7koa, euro finkoetan.

Euskal AEko azalera handietako establezimenduetako enplegatuak %0,6 gehitu ziren 2007ko maiatzean, apirilaren aldean; hazkundea hiru lurraldeetan gertatu zen. Araban %0,9 hazi zen, Bizkaian %0,8 eta Gipuzkoan %0,1.