EUSTATek landutako datuen arabera, lan-egutegiko baldintza homogeneotan, 2007ko ekainean %2,3ko urte arteko igoera nominala izan zuten Euskal AEko azalera handietako salmentek. Prezioen eragin inflazionista kenduta, ekaineko urte arteko tasa %0,1eko gehitzean estimatu zen, euro finkoetan.

2007ko ekainean, urte bereko maiatzaren aldean, desestazionalizatutako hileko datuek %1,2ko gorakada izan zuten prezio finkoetan.

Jateko produktuen salmentek, Euskal AEn, %3,9ko urte arteko hazkunde nominala izan zuten 2007ko ekainean; eta gainerako salgaiek %1,5ekoa.

Termino errealetan, jateko produktuen salmentak %0,9 hazi ziren eta gainerako produktuenak %0,3 jaitsi.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek hazkunde nominalak izan zituzten Euskal AEko hiru lurraldeetan: %3,5 igo ziren Araban, %2,1 Bizkaian, eta %2,1 Gipuzkoan. Termino errealetan, hona hemen azalera handiek izan zituzten urte arteko aldaketak hiru lurraldeetan: Araban %1,3 igo ziren, eta Bizkaian eta Gipuzkoan jaitsi, %0,1 eta %0,3.

Arabako azalera handietako salmentek hil arteko %2,1eko igoera izan zuten termino finkoetan. Bizkaian ere igo egin ziren azalera handietako salmentak hil arteko aldi berean, %1,4; eta Gipuzkoan %0,2, euro finkoetan.

Euskal AEko azalera handietako establezimenduetako enplegatuak %0,2 murriztu ziren 2007ko ekainean, maiatzaren aldean. Araban %0,3 jaitsi ziren, eta Bizkaian %0,4; Gipuzkoan %0,5 igo ziren.