EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %3,2ko hazkunde nominala izan dute 2007ko otsailean. Prezioen eragin inflazionista kenduz gero, otsaileko urtetik urterako tasak %0,4ko gehitzea izan du, euro konstanteetan.

2007ko otsailean, urtarrilaren aldean, desestazionalizatutako hileko datuek hil arteko %0,2ko beherapena izan dute urteko prezioetan eta %0,3koa ere prezio konstanteetan.

Jateko produktuen salmentek, Euskal Autonomia Erkidegoan, %4,0ko urte arteko hazkunde nominala izan dute 2007ko otsailean; eta gainerako salgaiek %2,8ko gehitzea izan dute. Balio errealetan, jateko produktuen salmentak %0,2 hazi dira eta gainerako produktuak %0,5.

1. taula. Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Euskal Autonomia Erkidegoko hiru lurraldeetako salmentek hazkunde nominala izan dute, hain zuzen ere: Araban %4,1 hazi dira salmentak, Bizkaian %3,4 eta Gipuzkoan %2,3. Balio errealetan, hiru lurraldeetako bitan azalera handiek urtetik urtera aldaketa positiboak izan dituzte: Araba (%2,0) eta Bizkaia (%0,2), baina Gipuzkoak %0,2 egin du atzera.

Arabako azalera handietako salmentek hil batetik besterako %1,0eko gutxitzea izan dute urteko prezioetan (2007ko otsailean, urtarrilaren aldean), eta %1,2 gutxitu dira prezio konstanteetan.

Bizkaiko azalera handietako salmentak urteko prezioetan %0,6 gehitu dira otsailean, urtarrilaren aldean; eta prezio konstanteetan ere %0,6 gehitu dira hil arteko aldi horretan.

Otsaileko hil arteko beherapen nominala %1,4koa izan da Gipuzkoako azalera handietako salmentei dagokienez, eta euro konstanteen kasuan %1,6 gutxitu dira salmenta horiek.

2007ko otsailean azalera handietako establezimenduetako langileen kopurua %0,3 gutxitu da, urtarrilaren aldean; Araban %1,9 murriztu da langileen kopurua eta Gipuzkoan %1,2, baina Bizkaian langileen kopurua %0,5 gehitu da.