EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %9,1eko hazkunde nominala izan dute 2007ko martxoan. Prezioen eragin inflazionista kenduz gero, martxoko urte arteko tasak %6,8ko gehikuntza izan dute euro finkotan.

2007ko martxoan, urte bereko otsailaren aldean, desestazionalizatutako hileko datuek hil arteko %5,5eko hazkundea izan dute urteko prezioetan eta %5,3koa prezio konstanteetan.

Elikagaien salmentek, Euskal Autonomia Erkidegoan, %6,8ko urte arteko hazkunde nominala izan dute 2007ko martxoan; eta gainerako salgaiek %10,4ko gehitzea izan dute. Termino errealetan, jateko produktuen salmentak %3,8 hazi dira eta gainerako produktuak %8,5.

1. taula. Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Euskal Autonomia Erkidegoko hiru lurraldeetako salmentek hazkunde nominala izan dute, hain zuzen ere: Araban %9,3 hazi dira salmentak, Bizkaian %8,7 eta Gipuzkoan %9,7. Balio errealetan, hiru lurraldeetako bitan azalera handiek urtetik urtera aldaketa positiboak izan dituzte: Araban %7,0, Bizkaian %6,4 eta Gipuzkoan %7,5.

Arabako azalera handietako salmentek hil batetik besterako %8,0ko gehikuntza izan dute urteko prezioetan (2007ko martxoan, otsailaren aldean), eta %7,6 gehitu dira prezio konstanteetan.

Bizkaiko azalera handietako salmentak urteko prezioetan %5,2 gehitu dira martxoan, otsailaren aldean; prezio konstanteetan, gainera, %4,8 gehitu dira hil arteko aldi horretan.

Otsaileko hil arteko gehikuntza nominala %3,1ekoa izan da Gipuzkoako azalera handietako salmentei dagokienez, eta euro konstanteen kasuan %4,1 gehitu dira salmenta horiek.

2007ko martxoan, otsailaren aldean, azalera handietako establezimenduetako langileen kopurua %0,4 gutxitu da; Bizkaian %1,6 murriztu da langile kopurua, baina Araban eta Gipuzkoan %2,3 eta %0,8 gehitu zen kopuru hori hurrenez hurren.