Euskal AEko industri prezioak %0,3 igo ziren 2007ko ekainean, EUSTATek landutako datuen arabera. Datu horiek kontuan hartuta, ekaineko urte arteko tasa (azken hamabi hilabeteetan industri prezioek izandako aldakuntza laburbiltzen duena) %4,2 igo zen. 2007.ean, orain arte, industri prezioek %3,6ko igoera izan dute.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko ekainerainoko urte arteko hazkundea.

Iturria: EUSTAT

Sektorekako azterketa xeheagoak agerian uzten du, 2007ko ekainean, material elektrikoa (%2,0), petrolioa fintzea (%1,2), larruaren eta oinetakoen industria (%0,8), kimika-industria (%0,5) eta metalezko eta ez-metalezko meak (%0,3) adarrek, besteak beste, gehitu dituztela gehien prezioak, aurreko hilaren aldean. Prezioetako jaitsierarik handienak, ostera, honako sektore hauek izan zituzten: energia elektrikoa, gasa eta ura (%-1,6), garraio materiala (%0,0), makineria (%0,1) papera, edizioa eta arte grafikoak (%0,1), ez-metalezko industria (%0,1), kautxu eta plastikoa (%0,1) eta ehungintza eta jantzigintza (%0,1).

2006ko ekainetik 2007ko ekainera arteko aldian, prezioen hazkunderik handienak ondoko adarretan izan dira: “metalurgia eta gai metalikoak” (%8,7), ez-metalezko industria (%5,5), garraioaren materiala (%4,8), eta “elikaduraren industria (%4,6).“ Prezioen beherapenak edo hazkunde txikiagoak izan dituzte ondoko sektoreek: “petrolioaren birfinketa” (%-2,8), “material elektrikoa” (%0,3), eta “papergintza edizioa eta arte grafikoak” (%0,5).

Xede ekonomikoaren araberako ondasunen sailkapenari jarraituz, sektore garrantzitsuenen prezioek ekainean izan duten bilakaerak gorako joera izan du guztietan, salbu eta ekipo-ondasunetan, non ez dagoen aldaketarik (%0,0). Bitarteko ondasunak %0,4 igo ziren; Energia %0,3; Kontsumo-ondasunek %0,3ko gorakada izan zuten, Kontsumo-ondasun ez-iraunkorrek izandako igoeraren eraginez (%0,4); izan ere Kontsumo-ondasun iraunkorrek aurreko hilaren aldean aldaketa ez hain nabarmena(%0,1) izan zuten.

Sektore multzo garrantzitsu hauen prezioen bilakaerek urtetik urtera ezberdintasun nabarmenak egon direla erakusten dute. Energiaren prezioak %1,6 murriztu dira. Tarteko ondasunen prezioak %6,6 gehitu dira, ekipamenduko ondasunenak %3,8 gehitu dira eta kontsumo-ondasunenak %3,2. Azken hauen artean, %3,6 igo dira kontsumo-ondasun ez iraunkorren prezioak eta %2,6 kontsumo-ondasun iraunkorren prezioak.

Iturria: EUSTAT