Euskal AEko industri prezioak %0,6 igo ziren 2007ko apirilean, EUSTATek landutako datuen arabera. Datu horiek kontuan hartuta, apirileko urte arteko tasa (azken hamabi hilabeteetan industriako prezioek izandako aldakuntza) % 4,3ko hazkundera iritsi da. 2007.ean, orain arte, industri prezioek %2,7ko igoera izan dute.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko apirileko urte arteko hazkundea.

Iturria: EUSTAT

Sektorekako azterketa xeheagoak agerian uzten du, 2007ko apirilean, petrolioa fintzea (%4), metalgintza eta metalezko gaiak (%1,1), metalezko eta ez metalezko meak (%1,1) eta industria ez metalezkoa (%0,4) adarrek, besteak beste, gehitu zituztela gehien prezioak, aurreko hilaren aldean. Prezioetako jaitsierak, ostera, honako sektore hauek izan zituzten: energia elektrikoa, gasa eta ura (%-3,4), zurgintza (%-0,2) eta material elektrikoa (%-0,1).

2006ko apiriletik 2007ko apirilera arteko aldian, prezioen hazkunderik handienak ondoko adarretan izan dira: “metalgintza eta metalezko gaiak” (%10,2), “energia elektrikoa, gasa eta ura” (%6), “elikadura (%4,9) eta “garraio materiala (%4,7). Prezioen beherapenak edo hazkunde txikiagoak izan dituzte ondoko sektoreek: “petrolioaren birfinketa” (%-7,3), “material elektrikoa” (%-1,3), “metalezko eta ez metalezko meak ” (%0,5) eta “papergintza, edizioa eta arte grafikoak” (%0,7).

Xede ekonomikoaren araberako ondasunen sailkapenari jarraituz, sektore garrantzitsuenen prezioek apirilean izan duten bilakaerak gorako joera izan du ia guztietan; kontsumo-ondasunek ez dute aldaketarik izan (% 0,0), bi osagaietatik batean, Kontsumoko Ondasun Iraunkorretan, hazkunde oso txikia gertatu da (%0,1) eta ez da aldaketarik izan Ez Iraunkorretan(%0,0). Energiaren prezioek %1,5 egin dute gora apirilean, aurreko hilabetearen aldean; Ekipamenduko Ondasunen prezioek %0,2 egin dute gora; Tarteko Ondasunenak %0,8.

Sektore multzo garrantzitsu hauen prezioen bilakaerek urtetik urtera ezberdintasun nabarmenak egon direla erakusten dute. Energiaren prezioak %3,4 jaitsi ziren, Bitarteko Ondasunenak %7,6 igo, Ekipo-Ondasunenak %4,0 eta Kontsumo-Ondasunenak %3,1. Azken hauen artean, %3,5 igo dira Kontsumo-ondasun Ez Iraunkorren prezioak eta %2,4 Kontsumo-ondasun Iraunkorren prezioak.

Iturria: EUSTAT