EUSTATen datuen arabera, Euskal Autonomia Erkidegoko industriako prezioak %0,7 igo dira 2007ko maiatzean. Datu horien arabera, gainera, azken hamabi hilabeteetako industriako prezioen aldaketa jaso duen maiatzeko urte arteko tasak %4,6ko hazkundea izan du. 2007. urtean, oraingoz, industriako prezioak %3,4 igo dira.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko maiatzeko urte arteko hazkundea

Iturria: EUSTAT

Sektore-azterketa xehekatuenak erakutsi bezala, 2007ko maiatzean, eta aurreko hilabetearen aldean, hauexek izan dira inflazio handiena izan duten adarrak, besteak beste: “petrolioaren birfinketa” (%2,4), “metalurgia eta gai metalikoak” (%1,6), “larruaren eta oinetakoen industria” (%0,5), “mineral metalikoak eta ez -metalikoak” (0,4%) eta “industria ez-metalikoa” (0,4%). Aitzitik, prezioetan beherakadak izan dituzten sektoreak hauexek izan dira: “energia elektrikoa, gasa eta ura” (-%0,8), “material elektrikoa” (-%0,3), “industria kimikoa” (-%0,2), “Papera, edizioa eta arte grafikoak” (-%0,2), “manufakturetako bestelako industriak” (-%0,1), “kautxua eta plastikoa” (-%0,1) eta “ehungintza eta jantzigintza” (-%0,1).

2006ko maiatzetik 2007ko maiatzera arteko aldian, prezioen hazkunderik handienak ondoko adarretan eman dira: “metalurgia eta gai metalikoak” (%10,2), “industria ez-metalikoa” (%5,1), “garraioko materiala” (%4,8) eta “elikagaien industria” (%3,9). Baina prezioen beherapenak edo hazkunde txikiagoak izan dituzte ondoko sektoreek: “petrolioaren birfinketa” (-%3,4), “material elektrikoa” (-%1,0) eta “papergintza edizioa eta arte grafikoak” (%0,3).

Xede ekonomikoaren araberako ondasunen sailkapenari jarraituz, sektore garrantzitsuenen prezioek maiatzean izan duten bilakaerak gorako joera izan du guztietan. Energia %1,3 igo da, tarteko ondasunak %1,0 eta ekipamenduko ondasunak %0,3. Kontsumo-ondasunak %0,2 igo dira, kontsumo-ondasun ez-iraunkorren prezioa igo egin delako (%0,2), kontsumo-ondasun iraunkorrek ez baitute aldaketarik izan (%0,0) aurreko hilaren aldean.

Sektore multzo garrantzitsu hauen prezioen bilakaerek urtetik urtera ezberdintasun nabarmenak egon direla erakusten dute. Energiaren prezioak %1,6 murriztu dira. Tarteko ondasunen prezioak %7,5 gehitu dira, ekipamenduko ondasunenak %4,2 gehitu dira eta kontsumo-ondasunenak %2,7. Azken hauen artean, %2,9 igo dira kontsumo-ondasun ez-iraunkorren prezioak eta %2,3 kontsumo-ondasun iraunkorren prezioak.

Iturria: EUSTAT