Eustaten 2004ko datuen arabera, lurralde hauen arteko erkaketak egiteko azken eskuragarriak, Euskal AEko 20-29 urte arteko biztanleriaren zientzia eta teknologiako goi mailako graduatuen tasa, -1.000 biztanleko 26,1-, 27-EBko herrialdeetako batez bestekoa bi aldiz baino gehiago zen. Espainiako urte horretako tasa 1.000ko 12,5 zen, zonako herrialdeetakoa baino pittin bat gainetik

Datu hauek 27-EBko herrialdeekin banan banan erkatuz gero, Euskal AE guztien buru da. Gure erkidegoan zientzia eta teknologiako goi mailako graduatuak 1.000 biztanleko 26,1 izanik, gero datoz Irlanda (23,1), Bretainia Handia (18,1), Lituania (17,5), Suedia (15,9) eta Danimarka (13,8). Azpitik Malta (3,6), Zipre (4,2), Hungaria (5,1) eta Txekia (7,4)

27-EBko 1.000 biztanleko zientzia eta teknologiako goi mailako graduatuak (20-29 urte bitarteko biztanleria)

Iturria: Eustat eta Eurostat

2006 urtean bigarren mailako ikasketak gutxienez gainditu dituen 20-24 urte bitarteko biztanleriari dagokionez, Euskal AEko tasa, %79,2, 27-EBko herrialdeetako batez bestekoaren -%77,8- gainetik zen. Espainiakoa, %61,6, oso azpitik zen, eta 2006an bakarrik zeuzkan azpiagotik Malta (%50,4) eta Portugal (%49,6).

27-EBn bigarren mailako ikasketak gutxienez gainditu dituen 20-24 urte bitarteko biztanleria-tasa (%).

Iturria: Eustat eta Eurostat

Txekiak (%91,8), Poloniak (%91,7), Eslovakiak (%91,5), Esloveniak (%89,4), Lituaniak (%88,2), Suediak (%86,5), Austriak (%85,8) eta Irlandak (%85,4) zituzten tasarik altuenak