EUSTATek landutako datuen arabera, lan-egutegiko baldintza homogeneotan, 2007ko irailean %0,4ko urte arteko igoera nominala izan zuten Euskal AEko azalera handietako salmentek. Prezioen eragin inflazionista kenduta, iraileko urte arteko tasa %2,7 jaitsi zen, euro finkoetan.

2007ko irailean, urte bereko abuztuaren aldean, desestazionalizatutako hileko datuek %1,2ko jaitsiera izan zuten prezio finkoetan.

Jateko produktuen salmentek, Euskal AEn, %0,6ko urte arteko hazkunde nominala izan zuten 2007ko irailean; eta gainerako salgaiek %0,4koa.

Termino errealetan, elikagaien salmentak %4,0 jaitsi ziren eta gainerako produktuenak %2,0.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek %2,0ko jaitsiera nominala izan zuten Araban; Bizkaian eta Gipuzkoan, berriz, %1,3ko eta %0,1eko igoerak izan ziren. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %4,7 jaitsi ziren, Bizkaian %1,5 eta Gipuzkoan %4,1.

Arabako azalera handietako salmentek hil arteko %4,8ko jaitsiera izan zuten termino finkoetan. Bizkaian ere jaitsi egin ziren azalera handietako salmentak hil arteko aldi berean, %0,8; eta Gipuzkoan igoera gertatu zen, %0,1ekoa, euro finkoetan.

Euskal AEko azalera handietako establezimenduetako enplegatuak %0,2 murriztu ziren 2007ko irailean, abuztuaren aldean. Araban %2,7 jaitsi zen; Bizkaian %0,7 igo; eta Gipuzkoan jaitsi, %0,6.