EUSTATek landutako datuen arabera, lan-egutegiko baldintza homogeneotan, 2007ko urrian %7,1eko igoera izan zuten Euskal AEko azalera handietan egindako salmentek. Prezioen eragin inflazionista kenduz gero, urriko urte arteko tasak %3,1eko gehitzea izan zuen, euro finkoetan.

2007ko urrian, urte bereko irailaren aldean, desestazionalizatutako hileko datuek %0,9ko igoera izan zuten prezio finkoetan.

Jateko produktuen salmentek, Euskal AEn, %8,1eko urte arteko hazkunde nominala izan zuten 2007ko urrian; eta gainerako salgaiek %6,5ekoa.

Termino errealetan, jateko produktuen salmentak %2,3 hazi ziren eta gainerako produktuenak %3,6.

1 Taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Araban salmentek %4,8ko hazkunde nominala izan zuten; Bizkaian %7,0 eta Gipuzkoan %8,7. Termino errealetan, azalera handiek urte arteko aldaketa positiboak izan zituzten hiru lurraldeetan: Araban %0,9 igo ziren; Bizkaian %3,2 eta Gipuzkoan %4,2.

Termino finkoetan Arabako azalera handietako salmentek hil arteko %1,6 hazkundea izan zuten. Bizkaian %0,3koa eta Gipuzkoan %2,0koa, euro finkoetan.

Euskal AEko azalera handietako establezimenduetako enplegatuak %0,9 gehitu ziren 2007ko urrian, irailaren aldean. Araban %0,1 igo ziren, Bizkaian %1,1 eta Gipuzkoan %0,9.