EUSTATek landutako datuen arabera, lanegutegiko baldintza homogeneotan, 2007ko abuztuan %0,0ko urte arteko igoera nominala izan zuten Euskal AEko azalera handietako salmentek; aldaketarik ez, alegia. Prezioen eragin inflazionista kenduta, abuztuko urte arteko tasa %2,0 jaitsi zen, euro finkoetan.

2007ko abuztuan, urte bereko uztailaren aldean, desestazionalizatutako hileko datuek %0,8ko gorakada izan zuten prezio finkoetan.

Elikagaien salmentek, Euskal AEn, %0,3ko urte arteko gehikuntza nominala izan zuten 2007ko abuztuan; eta gainerako salgaienek % 0,2ko jaitsiera.

Termino errealetan, elikagaien salmentak %3,2 jaitsi ziren eta gainerako produktuenak %1,4.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek %0,8ko hazkunde nominala izan zuten Araban; Bizkaian eta Gipuzkoan, berriz, %0,1eko beheratzea izan zen. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %1,2 jaitsi ziren, Bizkaian %2,0 eta Gipuzkoan %2,7.

Arabako azalera handietako salmentek hil arteko %2,0ko igoera izan zuten termino finkoetan. Bizkaian ere igo egin ziren azalera handietako salmentak hil arteko aldi berean, %1,4; eta Gipuzkoan jaitsi, %1,2, euro finkoetan.

Euskal AEko azalera handietako establezimenduetako enplegatu kopurua %0,5 hazi zen 2007ko abuztuan, uztailaren aldean. Araban %2,7 hazi zen, Bizkaian %0,3; eta Gipuzkoan jaitsi egin zen, %0,7.