Euskal AEko industri prezioak ez ziren aldatu (%0,0) 2007ko abuztuan, EUSTATek landutako datuen arabera. Datu horiek kontuan hartuta, abuztuko urte arteko tasa (azken hamabi hilabeteetan industriako prezioek izandako aldakuntza laburbiltzen duena) %3,8ko hazkundera iritsi zen. 2007.ean, orain arte, industri prezioek %4,0ko igoera izan dute.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko abuztuko urte arteko hazkundea

Iturria: EUSTAT

Sektorekako azterketa xeheagoak agerian uzten du, 2007ko abuztuan, energia elektrikoa, gasa eta ura (%2,4), metalezko eta ez-metalezko meak (%1,8), elikaduraren industria (%0,9) eta papera, argitalpena eta arte grafikoak (%0,7) adarrek, besteak beste, gehitu zituztela gehien prezioak, aurreko hilaren aldean. Bestalde, prezioetan jaitsierak izan zituzten sektoreak honakoak izan ziren: petrolioa fintzea (% -1,9), ehungintza eta jantzigintza (%-0,2), eta kautxua eta plastikoa (%-0,1).

2006ko abuztutik 2007ko abuztura arteko aldian, prezioen hazkunderik handienak ondoko adarretan izan dira: “metalurgia eta gai metalikoak” (%7,4), “elikaduraren industria (%6,8) industria ez-metalikoa (%5,9), “garraioaren materiala (%4,6) eta bestelako manufakturak (%4,5). Prezioen beherapenak edo hazkunde txikiagoak izan dituzte ondoko sektoreek: “petrolioaren birfinketa” (%-3,9), “energia elektrikoa, gasa eta ura” (%0,4), “papergintza, edizioa eta arte grafikoak” (%1,0) eta ehungintza eta jantzigintza (%1,5).

Ondasunen helburu ekonomikoaren araberako sailkapenari jarraituz, abuztuan, sektore-talde handien prezioen bilakaera honakoa izan zen: Energia %0,6 jaitsi da; Bitarteko ondasunek aldaketarik ez %0,0; Ekipoko ondasunek %0,3ko gorakada izan zuten; Kontsumoondasunek %0,4ko gorakada izan zuten, Kontsumoondasun eziraunkorrek izandako igoeraren eraginez (%0,5); izan ere Kontsumoondasun iraunkorrek abuztuan ez zuten aldaketarik izan (%0,0) .

Sektore multzo garrantzitsu hauen prezioen bilakaerek urtetik urtera ezberdintasun nabarmenak izan direla erakusten dute. Energiaren prezioak %2,6 murriztu dira. Tarteko Ondasunen prezioak %5,9 gehitu dira, Ekipamenduko Ondasunenak %3,8 gehitu dira eta Kontsumo-ondasunenak %4,0. Azken hauen artean, %4,7 igo dira Kontsumo-ondasun ez Iraunkorren prezioak eta %2,7 Kontsumo-ondasun Iraunkorren prezioak.

Iturria: EUSTAT