Euskal AEko industri prezioak ez ziren aldatu (%0,0) 2007ko irailean, EUSTATek landutako datuen arabera. Datu horiek kontuan hartuta, iraileko urte arteko tasa (azken hamabi hilabetean industri prezioek izandako aldakuntza laburbiltzen duena) % 4,5 hazi da. 2007.ean, orain arte, industri prezioek %4,0ko igoera izan dute.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko irailerainoko urte arteko hazkundea.

Iturria: EUSTAT

Sektorekako azterketa xeheagoak agerian uzten du, 2007ko irailean, petrolioa fintzea (%3,6), metalezko eta ez-metalezko meak (%2,4), zuraren industria (%0,3), janari-industria (%0,2), eta ez-metalezko industria (%0,2) adarrek, besteak beste, gehitu zituztela gehien prezioak, aurreko hilaren aldean. Prezioetako jaitsierarik handienak, ostera, honako sektore hauek izan zituzten: “Energia elektrikoa, gasa eta ura” (%-3,0), “Metalgintza eta metalezko gaiak” (%-0,6), “Papera, edizioa eta arte grafikoak” (%-0,4), eta Beste manufakturak (%-0,1).

Urte arteko aldian (2007ko iraila, 2006koaren aldean), prezio-hazkunderik handienak honako sektore hauei egokitu zitzaizkien: petrolioa fintzea (%10,5), janari-industria (%7,1), metalezko eta ez-metalezko meak (%7,0, ), ez-metalezko industria (%5,6), metalgintza eta metalezko gaiak (%5,2), Prezioen beherapenak edo hazkunde txikiagoak izan dituzte ondoko sektoreek: “material elektrikoa (%-0,2), “energia elektrikoa, gasa eta ura” (%-0,1), “ehungintza eta jantzigintza (%-0,4) eta “papera, edizioa eta arte grafikoak” (%-1,5)

Ondasunen helburu ekonomikoaren araberako sailkapenari jarraituz, irailean, sektore-talde handien prezioen bilakaera honakoa izan zen: Bitarteko ondasunak %0,5 jaitsi dira; Energia %1,5 igo da; Ekipoko ondasunek %0,3ko gorakada izan zuten; Kontsumo-ondasunek %0,1eko gorakada izan zuten, Kontsumo-ondasun ez-iraunkorrek izandako igoeraren eraginez (%0,1); izan ere Kontsumo-ondasun iraunkorrek abuztuan ez zuten aldaketarik izan (%0,0) .

Sektore multzo garrantzitsu hauen prezioen bilakaerek urtetik urtera ezberdintasunak izan direla erakusten dute. Energiaren prezioak %7,0 hazi dira. Tarteko Ondasunen prezioak %4,3 gehitu dira, Ekipamenduko Ondasunenak %3,8 gehitu dira eta Kontsumo-ondasunenak %4,4. Azken hauen artean, %5,0 igo dira kontsumo-ondasun ez iraunkorren prezioak eta %3,1 kontsumo-ondasun iraunkorren prezioak.

Iturria: EUSTAT