Euskal AEko industri prezioak ez ziren aldatu (%0,0) 2007ko urrian, EUSTATek landutako datuen arabera. Datu horiek kontuan hartuta, urriko urte arteko tasa (azken hamabi hilabeteetan industri prezioek izandako aldakuntza laburbiltzen duena) %4,7 hazi zen. 2007.ean, orain arte, industri prezioek %4,3ko igoera izan dute.

Euskal AEko industri prezioen indizearen bilakaera, ehunekotan

(*) 2007ko urrirainoko urte arteko hazkundea.

Iturria: EUSTAT

Sektorekako azterketa xeheagoak agerian uzten du, 2007ko urrian, “petrolioa fintzea” (%1,9), , “elikadura-industria” (%1,4), “energia elektrikoa, gasa eta ura” (%1,1) eta “metalezko eta ez-metalezko meak” (%0,4) adarrek gehitu zituztela gehien prezioak, aurreko hilaren aldean. Aitzitik, prezioetan beherakadak izan dituzten sektoreak hauexek izan dira: “metalurgia eta metalezko gaiak (%-1,0), “ez metalezko industria” (%-0,4) eta “industria kimikoa” (%-0,1).

Urte arteko aldian (2007ko urria, 2006koaren aldean), prezio-hazkunderik handienak honako sektore hauei egokitu zitzaizkien: petrolioa fintzea (%15,0), elikadura-industria (%8,5), metalezko eta ez-metalezko meak (%7,3), ez-metalezko industria (%5,1), garraio-materiala (%4,6), Prezioen beherapenak edo hazkunde txikiagoak izan dituzte ondoko sektoreek: “material elektrikoa (%1,4), “energia elektrikoa, gasa eta ura” (%0,4), “ehungintza eta jantzigintza (%-0,1) eta “papera, edizioa eta arte grafikoak” (%1,7)

Ondasunen helburu ekonomikoaren araberako sailkapenari jarraituz, urrian, sektore-talde handien prezioen bilakaera honakoa izan zen: Bitarteko ondasunak %0,5 jaitsi dira; Energia %1,7 igo da; Ekipoko ondasunek %0,1eko jaitsiera izan zuten; Kontsumo-ondasunek %0,6ko gorakada izan zuten, Kontsumo-ondasun ez-iraunkorrek izandako igoeraren eraginez (%0,9); izan ere, Kontsumo-ondasun iraunkorrek urrian ez zuten ia aldaketarik izan (%0,1) .

Sektore multzo garrantzitsu hauen prezioen bilakaerek urtetik urtera ezberdintasunak izan direla erakusten dute. Energiaren prezioak %10,2 hazi dira. Tarteko Ondasunen prezioak %3,5 gehitu dira, Ekipamenduko Ondasunenak %3,9 gehitu dira eta Kontsumo-ondasunenak %5,0. Azken hauen artean, %5,9 igo dira kontsumo-ondasun ez iraunkorren prezioak eta %3,1 kontsumo-ondasun iraunkorren prezioak.

Iturria: EUSTAT