EUSTATek landutako datuen arabera, lanegutegiko baldintza homogeneotan, 2007ko abenduan %1,2ko igoera izan zuten Euskal AEko azalera handietako salmentek. Prezioen eragin inflazionista kenduta, abenduko urte arteko tasa %3,6 jaitsi zen, euro finkoetan.

2007ko abenduan, urte bereko azaroaren aldean, desestazionalizatutako hileko datuek %0,8ko jaitsiera izan zuten prezio finkoetan.

Elikagaien salmentek, Euskal AEn, %3,5eko urte arteko gehikuntza nominala izan zuten 2007ko abenduan; eta gainerako salgaienek % 0,1eko jaitsiera.

Termino errealetan, elikagaien salmentak %3,9 jaitsi ziren eta gainerako produktuenak %3,5.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek %0,7ko jaitsiera nominala izan zuten Araban; Bizkaian eta Gipuzkoan, berriz, %0,3ko eta %4ko igoerak . Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %4,9 jaitsi ziren, Bizkaian %4,1 eta Gipuzkoan %1,8.

Arabako azalera handietako salmentek hil arteko %1,6ko jaitsiera izan zuten termino finkoetan. Bizkaian ere jaitsi egin ziren azalera handietako salmentak hil arteko aldi berean, %0,3; eta Gipuzkoan %1,2 euro finkoetan.

Euskal AEko azalera handietako establezimenduetako enplegatu kopurua %0,5 hazi zen 2007ko abenduan, azaroaren aldean. Araban %0,5 hazi zen, Bizkaian %0,5 ere; eta Gipuzkoan %0,4.

2007KO URTEKO BALANTZEA

Azalera handietako salmentek %2,7ko hazkunde nominala izan dute 2007 osoan, aurreko urtearen aldean. Behin prezioen eragina kenduta, %-0,3ko tasa erreala dugu, lan-egutegiko baldintza homogeneoetan.

Lurralde historikoka, 2007 osoan metatutako bilakaerak honakoak dira: Araban %2,5 hazi ziren salmentak, Bizkaian %2,5 eta Gipuzkoan %3,2, balio nominaletan. Balio errealetan, hiru lurraldeetan murrizketak ditugu: Araban %-0,3, Bizkaian %-0,4 eta Gipuzkoan %-0,1.

Azalera Handietako Merkataritzaren Indizea, lurralde historikoka. 2007. urteko balantzea. Salmentak

Iturria: EUSTAT