EUSTATek landutako datuen arabera, lan-egutegiko baldintza homogeneotan, 2008ko urtarrilean %2,4ko urte arteko jaitsiera nominala izan zuten Euskal AEko azalera handietan egindako salmentek. Prezioen eragin inflazionista kenduta, abenduko urte arteko tasa %6,1 jaitsi zen, euro finkoetan.

2008ko urtarrilean, 2007ko abenduaren aldean, desestazionalizatutako salmenten datuek hil arteko %2,8ko beherakada izan zuten uneko terminoetan, eta %2,7koa prezio finkoetan.

Elikagaien salmentek, Euskal AEn, %0,4ko urte arteko gehikuntza nominala izan zuten, eta gainerako salgaienek % 3,5eko jaitsiera. Termino errealetan, bai jateko produktuen salmentak bai gainerako produktuenak %6,1 jaitsi ziren.

Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek jaitsiera nominalak izan zituzten Euskal AEko hiru lurraldeetan: Araban %3,4 murriztu ziren, Bizkaian %2,6 eta Gipuzkoan %1,4. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %-6,9, Bizkaian %-6,1 eta Gipuzkoan %-5,7.

Arabako azalera handietako salmentek hil arteko %0,6ko jaitsiera izan zuten (2008ko urtarrila 2007ko abenduaren aldean) uneko prezioetan, eta %0,4koa termino finkoetan.

2008ko urtarrilean, 2007ko abenduaren aldean Bizkaiko azalera handietako salmentak, uneko terminoetan, %4,1 jaitsi ziren; termino finkoetan %4,0 jaitsi ziren.

Urtarrileko hil arteko jaitsiera nominala %1,3koa izan zen Gipuzkoako azalera handietako salmentei dagokienez, eta euro finkoetan %1,1 gutxitu ziren.

Azalera handietako establezimenduetako langile kopurua %0,9 murriztu zen 2008ko urtarrilean abenduarekin alderatuta; Araban %-2,5ekoa izan zen murrizketa; Bizkaian %-0,5 eta Gipuzkoan %-1,0.