EUSTATek landutako datuen arabera, lanegutegiko baldintza homogeneotan, 2007ko azaroan %2,5eko urte arteko igoera nominala izan zuten Euskal AEko azalera handietako salmentek. Prezioen eragin inflazionista kenduta, azaroko urte arteko tasa %1,9 jaitsi zen, euro finkoetan.

2007ko azaroan, urte bereko urriaren aldean, desestazionalizatutako hileko datuek %2,5eko jaitsiera izan zuten prezio finkoetan.

Jateko produktuen salmentek, Euskal AEn, %4,0ko urte arteko hazkunde nominala izan zuten 2007ko azaroan; eta gainerako salgaiek %1,8koa.

Termino errealetan, elikagaien salmentak %2,6 jaitsi ziren eta gainerako produktuenak %1,5.

1. taula. Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: EUSTAT

Salmentek %0,4ko igoera nominala izan zuten Araban; Bizkaian eta Gipuzkoan, berriz, %2,8 eta %3,2. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %3,7 jaitsi ziren, Bizkaian %1,5 eta Gipuzkoan %1,7.

Arabako azalera handietako salmentek hil arteko %3,3ko jaitsiera izan zuten termino finkoetan. Bizkaian ere jaitsi egin ziren azalera handietako salmentak hil arteko aldi berean, %2,7; eta baita Gipuzkoan ere, %1,5, euro finkoetan.

Euskal AEko azalera handietako establezimenduetako enplegatuak %0,3 murriztu ziren 2007ko azaroan, urriaren aldean. Araban %1,9 jaitsi zen; Bizkaian %0,3 igo; eta Gipuzkoan jaitsi, %0,5.