2007ko laugarren hiruhilekoan, Barne Merkataritzaren Indizeak %5eko urte arteko gehikuntza nominala izan zuen, aurreko urteko aldi beraren aldean, EUSTATek landu dituen datuen arabera. Prezioen igoeraren eragina kenduta, merkataritza-sektoreko salmenten hazkunde erreala %1,6 izan zela estimatu zen laugarren hiruhileko horretan.

1. taula.- Urte arteko hazkunde-tasa nominalak. Euskal AE. (%)

Iturria: EUSTAT

Handizkako merkataritzaren sektorean, %5,2 igo ziren urte arteko salmentak, eta txikizkakoan, aldiz, %4,6, 2007ko laugarren hiruhilekoan.

Handizkako sektorean nabarmendu egin ziren izandako hazkundeagatik makineria eta ekipoa (%10,9). Elikaduraz besteko kontsumo-gaiek %7,1eko urte arteko hazkundea izan zuten eta nekazaritza-gaiak eta elikagaiak %5,5. Gai erdilanduak eta txatarra %2,6 igo ziren.

Espezializatutako txikizkako sektoreak %4,5eko hazkundea izan du. Hazkunderik handienak pertsonen hornikuntza (%9,7) atalean izan dira. Kontsumoko beste ondasunek eta Elikadurak %4,3ko eta %2,3ko igoerak izan zituzten. Etxeko ekipamenduan %3,8ko jaitsiera izan da termino nominaletan.

2007ko laugarren hiruhilekoan, txikizkako merkataritza ez-espezializatuaren salmentak %4,9 igo ziren, balio nominaletan; bai elikagaien salmentek (%5,0) eraginda, bai eta gainerako produktuen salmentek eraginda ere (%4,1).

Laugarren hiruhilekoan, Barne Merkataritzaren Indizeak aldakuntza nominal positiboak izan zituen hiru lurraldeetan:%6,7 Bizkaian, %3,2 Gipuzkoan eta %2,4 hazi zen Araban. Balio errealetan hazkundea dago Bizkaian (%3,4); Araban eta Gipuzkoan %0,6ko jaitsiera bietan.

Euskal AEko merkataritza-sektoreko enplegatuak %2,7 gehitu ziren 2007ko laugarren hiruhilekoan, aurreko urteko hiruhileko beraren aldean: %3,1 gehitu ziren handizkako sektorean, eta %2,5 txikizkakoan.

2007. URTEKO BALANTZEA

2007. urte osoan, Barne Merkataritzako salmenten Indizeak %6ko hazkunde nominala izan du joan den urtekoaren aldean: handizkako merkataritza %6,9 hazi da eta txikizkakoa %4,2. Prezioen igoeraren eragina kendu eta zifra nominalak zifra erreal bihurtuz gero, Barne Merkataritzako Indizea %2,0 hazi zen 2007an: handizkako merkataritzan salmentak %1,8 gehitu ziren, eta txikizkakoan, %2,5.

Lurraldeen arabera, eta urte osoa kontuan hartuta, hazkunde nominal handiena Bizkaian gertatu da, %7,4ko hazkunde-tasarekin. Gero Araba dator, %4,8koarekin; eta Gipuzkoa, %3,9koarekin. Balio finkoetan, Bizkaia %3,4 hazi da; Araba %0,4, eta Gipuzkoa %0,3.

2007ko lau hiruhilekoetako batez bestekoari dagokionez, langile landunen kopurua %2,1 igo da: %2,9 igo da handizkako merkataritzan eta %1,7 txikizkakoan.

2. taula.- Barne Merkataritzaren Indizea. Euskal AE. 2007ko 4. hiruhilekoa.

Iturria: EUSTAT