2007ko abenduan, Euskal AEko industri prezioak %0,2 jaitsi ziren EUSTATek landutako datuen arabera. Urte osoan, hazkundea %4,6koa izan zen.

Euskal AEko industri prezioen indizearen bilakaera, ehunekotan

Iturria: EUSTAT

2007ko abenduan, energia elektrikoa, gasa eta ura (%2,9), larruaren eta oinetakoen industria (%0,5), kimika-industria (%0,2), ez-metalezko industria (%0,2) eta bestelako manufakturak (%0,2) adarrek igo zituzten gehien prezioak, aurreko hilaren aldean. Aitzitik, abenduan prezioak jaitsi zituzten adarrak honako hauek izan ziren: petrolioa fintzea (%-2,0), ehungintza eta jantzigintza (%-1,2), metalurgia eta metalezko gaiak (%-0,4), eta metalezko eta ez-metalezko meak (%-0,1).

Ondasunen helburu ekonomikoaren araberako sailkapenari jarraituz, abenduan, aurreko hilaren aldean, Energiaren prezioek %0,6ko jaitsiera izan zuten; bitarteko ondasunak %0,3 jaitsi, eta kontsumo- eta ekipo-ondasunek ez dute aldaketarik izan prezioetan (%0,0). Kontsumo-ondasunen osagaien artean, kontsumo-ondasun iraunkorrek %0,1eko igoera izan dute eta kontsumo-ondasun ez iraunkorrek aldaketarik ez (%0,0).

2007. URTEKO BALANTZEA

2007ko urtarrilaren 1etik abenduaren 31 bitarteko epean, prezio-hazkunderik handienak honako sektore hauei egokitu zaizkie: petrolio fintzea (%23,4); elikadura-industria (%9,2); metalezko eta ez-metalezko meak (%6,8); ez-metalezko industria (%4,9). Prezioen beherapenak edo hazkunde txikiagoak izan dituzte ondoko sektoreek: ehungintza eta jantzigintza (%-0,7); energia elektrikoa, gasa eta ura” (%0,2), papergintza, edizioa eta arte grafikoak (%1,1) eta metalurgia eta metalezko gaiak (%1,2).

Helburu ekonomikoaren araberako ondasunen sailkapenean, bost ondasun-taldeek izan dute zeinu positiboa, aldeak badiren arren bakoitzaren urte arteko bilakaeran (2007ko abendua, 2006ko abenduaren aldean). Zehazki, energia %15,5 igo da, ekipo-ondasunak %4,0, bitarteko ondasunak %1,7, eta kontsumo-ondasunek %5,3. Azken horiek, aldi berean, kontsumo-ondasun iraunkorren eta kontsumo ondasun ez-iraunkorren artean banatuta daude. Lehenengoen prezioak %3,1 igo dira eta bigarrenenak %6,5.

Iturria: EUSTAT