EUSTATek landutako datuen arabera, 2007ko azaroan Euskal AEko industria-prezioak %0,5 igo ziren. Datu horien arabera, azaroko urte arteko tasa (azken hamabi hilabeteetan industri prezioek izandako aldakuntza laburbiltzen duena) %5,0 hazi zen. 2007.ean, orain arte, industri prezioek %4,8ko igoera izan dute.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2007ko azarorainoko urte arteko hazkundea.

Iturria: EUSTAT

Sektorekako azterketa xeheagoak agerian uzten du, 2007ko azaroan, petrolioa fintzea (%8,3), elikagaien industria (%0,9), kimika-industria (%0,7) eta makineria (%0,3) adarrek gehitu zituztela gehien prezioak, aurreko hilaren aldean. Prezioetako jaitsierarik handienak, ostera, honako sektore hauek izan zituzten: “Ehungintza eta jantzigintza” (%-1,5), “Metalgintza eta metalezko gaiak” (%-1,3), “Energia elektrikoa, gasa eta ura (%-0,2) eta “Zurgintza” (%-0,2).

Urte arteko aldian (2007ko azaroa, 2006koaren aldean), prezio-hazkunderik handienak honako sektore hauei egokitu zitzaizkien: petrolioa fintzea (%25,6), elikadura-industria (%9,5), metalezko eta ez-metalezko meak (%7,5), ez-metalezko industria (%4,7), eta beste manufakturak (%4,6), Prezioen beherapenak edo hazkunde txikiagoak izan dituzte ondoko sektoreek:“energia elektrikoa, gasa eta ura” (%-1,0),“ehungintza eta jantzigintza” (%-0,8) “material elektrikoa (%1,5), eta “papera, edizioa eta arte grafikoak” (%1,5)

Ondasunen helburu ekonomikoaren araberako sailkapenari jarraituz, abuztuan, sektore-talde handien prezioen bilakaera honakoa izan zen: Bitarteko ondasunak %0,8 jaitsi dira; Ekipoko ondasunek berdin iraun zuten (%0,0) ; Energia %5,7 igo da; Kontsumo-ondasunek %0,5eko gorakada izan zuten, Kontsumo-ondasun ez-iraunkorrek izandako igoeraren eraginez (%0,7); izan ere, Kontsumo-ondasun iraunkorrek urrian ez zuten ia aldaketarik izan (%0,1).

Sektore multzo garrantzitsu hauen prezioen bilakaerek urtetik urtera ezberdintasunak izan direla erakusten dute. Energiaren prezioak %16,7 hazi dira. Tarteko Ondasunen prezioak %2,4 gehitu dira, Ekipoko Ondasunenak %3,6 gehitu dira eta Kontsumo-ondasunenak %5,5. Azken hauen artean, %6,8 igo dira kontsumo-ondasun ez iraunkorren prezioak eta %3,1 kontsumo-ondasun iraunkorrenak.

Iturria: EUSTAT