EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %0,3ko gutxitze nominala izan dute 2008ko otsailean. Prezioen eragin inflazionista kenduz gero, otsaileko urtetik urterako tasak %4,5eko gutxitzea izan du, euro konstanteetan.

2008ko urtarrilaren aldean, salmenten gaineko datuek (desestazionalizatu ostean) erakusten dute hil artean %1,0ko gehikuntza nominala izan dela eta prezio konstanteetan %0,8ko gehikuntza izan dela.

Euskal Autonomia Erkidegoko elikagaien salmentek, %4,4ko urte arteko hazkunde nominala izan dute; eta gainerakoak %2,8 murriztu dira. Balio errealetan, elikagaien salmentak %2,3 gutxitu dira eta gainerako produktuen salmentak %5,6.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: Eustat

Salmenten gutxitze nominal handienak Araban (%-1,7) eta Bizkaian (%-2,0) eman dira; Gipuzkoan, aldiz, %4,5 gehitu dira salmentak. Balio errealetan, hiru lurraldeetako azalera handiek izan dituzte urtetik urtera aldaketa negatiboak: Araban %-5,9, Bizkaian %-5,7 eta Gipuzkoan %-1,0.

Arabako azalera handietako salmentek hil batetik bestera %0,8ko gehikuntza izan dute urteko prezioetan (2008ko otsailean, urtarrilaren aldean), eta %0,4 gehitu dira prezio konstanteetan.

Bizkaiko azalera handietako salmentak urteko prezioetan %0,9 gehitu dira otsailean, urtarrilaren aldean; eta prezio konstanteetan ere %0,8 gehitu dira hil arteko aldi horretan.

Otsaileko hil arteko gehikuntza nominala %1,3koa izan da Gipuzkoako azalera handietako salmentei dagokienez, eta euro konstanteen kasuan %1,2 gehitu dira salmenta horiek.

2008ko otsailean azalera handietako establezimenduetako langileen kopurua %1,4 gutxitu da, urte bereko urtarrilaren aldean; Araban %0,3ko aldaketa positiboa izan da, baina Bizkaian (%-1,2) eta Gipuzkoan (%-2,9) negatiboa.