EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %0,2ko hazkunde nominala izan dute 2008ko apirilean. Prezioen eragin inflazionista kenduz gero, apirileko urtetik urterako tasak %4,0ko gutxitzea izan du, euro konstanteetan.

2008ko martxoaren aldean, salmenten datuek (desestazionalizatu ostean) hil artean %0,9ko gutxitze nominala izan dute eta prezio konstanteetan %1,1 gutxitu dira.

Elikagaien salmentek %5,3ko hazkunde nominala izan dute urte batetik bestera; eta gainerakoak %2,9 murriztu dira. Balio errealetan, elikagaien salmentak %1,3 gutxitu dira eta gainerako produktuen salmentak %5,6.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: Eustat

Salmenten gutxitze nominal handienak Araban (%-1,8) eta Bizkaian (%-1,2) eman dira; Gipuzkoan, aldiz, %4,1 gehitu dira salmentak. Balio errealetan, hiru lurraldeetako azalera handiek izan dituzte urtetik urtera aldaketa negatiboak: Araban %-5,8, Bizkaian %-5,1 eta Gipuzkoan %-0,7.

Arabako azalera handietako salmentek 2008ko apirilean ez dute aldaketarik izan hil batetik bestera (%0,0), 2008ko martxoaren aldean, ez urteko prezioetan ez prezio konstanteetan.

Bizkaiko azalera handietako salmentak apirilean gutxitu dira, martxoaren aldean: urteko prezioetan %1,5 gutxitu dira eta prezio konstanteetan %1,7.

Apirileko hil arteko beherapen nominala %0,2koa izan da Gipuzkoako azalera handietako salmentei dagokienez, eta euro konstanteen kasuan %0,5 gutxitu dira salmenta horiek.

2008ko apirilean, urte bereko martxoaren aldean, azalera handietako establezimenduetako langileen kopurua %0,2 gutxitu da; Bizkaian bakarrik eman da kopuru negatiboa (%-0,6), Araban eta Gipuzkoan %0,2 eta %0,4 gehitu baita langile kopuru hori hurrenez hurren.

Ohar metodologikoa: 2008ko apirileko Azalera Handietako Merkataritzaren Indizea 2005eko oinarri berriaren bidez atera da, azken honek 2004ko oinarria ordezkatu baitu. Oinarria aldatzeko Eurostaten gomendioak bete dira; izan ere, horren arabera “0” eta “5” amaiera duten urteetan oinarriak aldatu behar dira.