EUSTATen datuen arabera, Euskal Autonomia Erkidegoko industriako prezioek %0,4ko beherakada izan dute 2008ko abuztuan. Datu horien arabera, gainera, azken hamabi hilabeteetako industriako prezioen aldaketa jaso duen abuztuko urte arteko tasak %10,1eko hazkundea izan du.

Euskal Autonomia Erkidegoko Industriako Prezioen Indizeak izan dituen ehunekoen bilakaera

(*) 2008ko abuztuko urte arteko hazkundea

Iturria: Eustat

Sektore-azterketa zehatzenak erakutsi bezala 2008ko abuztuan, eta aurreko hilabetearekin alderatuta, hauexek dira, besteak beste, inflazio handiena izan duten arloak: “energia elektrikoa, gasa eta ura” (%3,0), “kautxua eta plastikoa” (%1,8), “industria kimikoa” (%1,5) eta “ehungintza eta jantzigintza” (%1,3). Aitzitik, “petrolioaren birfinketa” (-%8,0), “bestelako manufaktura-industriak” (-%1,0), “material elektrikoa” (-%0,4), “industria ez metalikoa” (-%0,3) eta “elikagaien industria” (-%0,2) sektoreen prezioek behera egin dute.

2007ko abuztutik 2008ko abuztura arteko aldian, prezioen hazkunderik handienak ondoko adarretan eman dira: “petrolioaren birfinketa” (%35,9), “energia elektrikoa, gasa eta ura” (%21,8), “mineral metalikoak eta ez metalikoak” (%13,6), “metalurgia eta gai metalikoak” (%11,2) eta "bestelako manufaktura-industriak" (%5,7). Ondoko sektoreek, ostera, prezioen beherapenak edo hazkunde txikiagoak izan dituzte: “industria ez metalikoa” (%1,2), “papera, edizioa eta arte grafikoak” (%1,6), “larruaren eta oinetakoen industria” (%1,6), eta “garraio-materiala” (%1,7).

Xede ekonomikoaren araberako ondasunen sailkapenari jarraituz, sektore garrantzitsuenen prezioek abuztuan izan duten bilakaerak ezberdinak izan dira: tarteko ondasunen prezioak %0,5 gehitu dira, kontsumo-ondasunenak, oro har, %0,3, izan ere, azken hauen gehikuntza kontsumo-ondasun iraunkorren (%0,3) eta kontsumo-ondasun ez iraunkorren (%0,2) gehikuntzaren ondorioz eman da. Energiaren prezioek %3,5 egin dute behera, eta ekipamenduko ondasunenak, aldiz, bere horretan geratu dira (%0,0).

Ondasun talde garrantzitsu hauen prezioen bilakaerek urtetik urtera ezberdintasun nabarmenak egon direla erakusten dute. Energiaren prezioak %29,4 gehitu dira, tarteko ondasunenak %8,6, ekipamenduko ondasunenak %2,8 eta kontsumo-ondasunenak %4,4. Azken hauen artean, %4,7 igo dira kontsumo-ondasun ez iraunkorren prezioak eta %3,7 kontsumo-ondasun iraunkorrenak.

Iturria: EUSTAT