Eustatek landutako datuen arabera, lanegutegiko baldintza homogeneotan, 2008ko abuztuan %2,1eko urte arteko jaitsiera nominala izan zuten Euskal AEko azalera handietan egindako salmentek. Prezioen eragin inflazionista kenduta, abuztuko urte arteko tasa %6,8 jaitsi zen, euro finkoetan.

Elikagaien salmentek, Euskal AEn, %3,4ko urte arteko gehikuntza nominala izan zuten, eta gainerako salgaienek %5,1eko jaitsiera. Termino errealetan, elikagaien salmentak %3,0 jaitsi ziren eta gainerako produktuenak %8,8.

Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: Eustat

Jaitsiera hiru lurralde historikoetan izan da: Araban %8,5, Bizkaian %0,5 eta Gipuzkoan %1,6. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %12,9, Bizkaian %5,1 eta Gipuzkoan %6,6.

Aurreko hilarekin alderatuz gero, 2008ko abuztuan, 2008ko uztailaren aldean, desestazionalizatutako salmenten datuek hil arteko %1,9ko jaitsiera izan zuten uneko terminoetan, eta %1,8koa prezio finkoetan.

Arabako azalera handietako salmentek hil arteko %4,2ko jaitsiera izan zuten (2008ko abuztua 2008ko uztailaren aldean) uneko prezioetan, eta %4,1eko jaitsiera termino finkoetan.

Abuztuan, Bizkaiko azalera handien salmentak, uneko terminotan, %0,8 jaitsi ziren aurreko uztailaren aldean; termino finkoetan %0,7 jaitsi ziren.

Abuztuko hil arteko jaitsiera nominala %2,7koa izan zen Gipuzkoako azalera handietako salmentei dagokienez, eta euro finkoetan %2,8 gutxitu ziren.

Euskal AEko azalera handietako establezimenduetako enplegatuak %0,3 gehitu ziren 2008ko abuztuan, uztailaren aldean; hazkundea hiru lurraldeetan gertatu zen. Araban %0,5 gehitu dira, Bizkaian %0,1 eta Gipuzkoan %0,7.