EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %1,9ko hazkunde nominala izan dute 2008ko uztailean. Prezioen eragin inflazionista kenduz gero, uztaileko urtetik urterako tasak %3,4ko gutxitzea izan du, euro konstanteetan.

Elikagaien salmentek %8,4ko hazkunde nominala izan dute urte batetik bestera; eta gainerakoak %1,2 murriztu dira. Balio errealetan, elikagaien salmentak %1,1 gehitu dira eta gainerako produktuen salmentak %5,4 gutxitu dira.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: Eustat

Lurralde historikoetan, salmenta nominalak %1,2 jaitsi dira Araban; aitzitik, Bizkaian %1,8 igo dira eta Gipuzkoan %3,9 igo dira. Balio errealetan, Araba, Bizkaia eta Gipuzkoako azalera handiek aldaketa negatiboak izan dituzte urte batetik bestera. Araban %6,1 jaitsi dira, Bizkaian %3,2 eta Gipuzkoan %1,9.

2008ko ekainaren aldean, salmenten gaineko datuek (desestazionalizatu ostean) erakusten dute hilabete batetik bestera %5,0eko gehikuntza nominala izan dela eta prezio konstanteetan %4,6ko gehikuntza eman dela.

Arabako azalera handien salmentak %7,3 igo dira urteko prezioetan 2008ko uztailean, 2008ko ekainaren aldean, eta %6,9 igo dira prezio konstanteetan.

Bizkaiko azalera handietako salmentak uztailean %5,2 gehitu dira, ekainaren aldean, urteko prezioetan; era berean, %5,0 gehitu dira prezio konstanteetan hilabete berean.

Uztaileko hil arteko gehikuntza nominala %3,1ekoa izan da Gipuzkoako azalera handietako salmentei dagokienez; euro konstanteetan %2,5 igo dira salmenta horiek.

2008ko uztailean azalera handietako establezimenduetako langileen kopurua %0,4 gutxitu da, urte bereko ekainaren aldean betiere: Araban %0,2 gutxitu da kopuru hori eta Bizkaian %0,7; Gipuzkoan, aldiz, %0,3 gehitu da langileen kopurua.