EUSTATen datuen arabera, eta lan-egutegi homogeneoari dagokionez, Euskal Autonomia Erkidegoko azalera handietako salmentek urtetik urtera %3,7ko gutxitze nominala izan dute 2008ko ekainean. Prezioen eragin inflazionista kenduz gero, ekaineko urtetik urterako tasak %8,5eko gutxitzea izan du, euro konstanteetan.

2008ko maiatzaren aldean, salmenten datuek (desestazionalizatu ostean) hil artean %3,2ko gutxitze nominala izan dute eta prezio konstanteetan %4,0 gutxitu dira.

Elikagaien salmentek %4,0ko hazkunde nominala izan dute urte batetik bestera; eta gainerakoak %7,8 murriztu dira. Balio errealetan, elikagaien salmentak %2,7 gutxitu dira eta gainerako produktuen salmentak %11,6.

Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: Eustat

Hiru lurraldeetan jaitsi da salmenta nominalen kopurua. Araban %8,8 jaitsi da, Bizkaian %3,1 eta Gipuzkoan %1,7. Balio errealetan, Araba, Bizkaia eta Gipuzkoako azalera handiek aldaketa negatiboak izan dituzte urte batetik bestera. Araban %13,3 jaitsi dira, Bizkaian %7,9 eta Gipuzkoan %6,8.

Arabako azalera handien salmentak %4,9 jaitsi dira urteko prezioetan 2008ko ekainean, 2008ko maiatzaren aldean, eta %5,9 jaitsi dira prezio konstanteetan.

Bizkaiko azalera handietako salmentak ekainean gutxitu egin dira, maiatzaren aldean, urteko prezioetan; eta %3,2 gutxitu dira prezio konstanteetan hilabete berean.

Ekaineko hil arteko beherapen nominala %3,4koa izan da Gipuzkoako azalera handietako salmentei dagokienez, eta euro konstanteen kasuan %3,9 gutxitu dira salmenta horiek.

2008ko ekainean azalera handietako establezimenduetako langileen kopurua %0,5 jaitsi da, 2008ko maiatzaren aldean; are gehiago, aldagai hori negatiboa izan da lurralde guztietan. Araban %0,6 jaitsi da kopuru hori, Bizkaian %0,3 eta Gipuzkoan %0,7, betiere aurreko hilabetearen aldean.