Eustatek landutako datuen arabera, lanegutegiko baldintza homogeneotan, 2008ko azaroan %-1,9ko urte arteko jaitsiera nominala izan zuten Euskal AEko azalera handietan egindako salmentek. Prezioen eragin inflazionista kenduta, azaroko urte arteko tasa %-3,7 jaitsi zen, euro finkoetan.

Elikagaien salmentek %2,0ko urte arteko gehikuntza nominala izan zuten, eta gainerako salgaienek %-4,0ko jaitsiera. Termino errealetan, elikagaien salmentak %-0,9 jaitsi ziren eta gainerako produktuenak %-5,1.

Azalera Handietako Merkataritzaren Indizea, lurralde historikoen arabera. Prezio finkoak. Egutegi-eragin zuzendua daukaten datuak.

Iturria: Eustat

Jaitsiera hiru lurralde historikoetan izan da: Araban %-7,3, Bizkaian %-0,4 eta Gipuzkoan %-1,9. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %-9,0, Bizkaian %-2,1 eta Gipuzkoan %-3,8.

2008ko azaroan, 2008ko urriaren aldean, desestazionalizatutako salmenten datuek hil arteko %0,1eko igoera izan zuten uneko terminoetan, eta %0,6koa prezio finkoetan.

Arabako azalera handietako salmentek hil arteko %-2,5eko jaitsiera izan zuten (2008ko azaroa 2008ko urriaren aldean) uneko prezioetan, eta %-2,0koa termino finkoetan.

Azaroan, Bizkaiko azalera handien salmentak, uneko terminoetan, %1,1 igo ziren urriaren aldean; termino finkoetan %1,6.

Azaroko hil arteko jaitsiera nominala %-0,3koa izan zen Gipuzkoako azalera handietako salmentei dagokienez, eta euro finkoetan %-0,1ekoa.

Euskal AEko azalera handietako establezimenduetako enplegatuak %-1,4 gutxitu ziren 2008ko azaroan, urriaren aldean; jaitsiera hiru lurraldeetan gertatu zen. Araban %-2,7 jaitsi dira, Bizkaian %-1,5 , eta Gipuzkoan %-0,1.