Eustatek landutako datuen arabera, lanegutegiko baldintza homogeneotan, 2008ko irailean %2,7ko urte arteko igoera nominala izan zuten Euskal AEko azalera handietan egindako salmentek. Prezioen eragin inflazionista kenduta, iraileko urte arteko tasa %-1,8 jaitsi zen, euro finkoetan.

Elikagaien salmentek, Euskal AEn, %6,3ko urte arteko gehikuntza nominala izan zuten, eta gainerako salgaienek %0,7koa. Termino errealetan, elikagaien salmentak %0,2 igo ziren eta gainerako produktuenak %-2,8 jaitsi.

Azalera Handietako Merkataritzaren Indizea, lurralde historikoka. Prezio finkoak. Egutegi-eragin zuzendua daukaten datuak.

Iturria: Eustat

Salmenta nominalen igoera hiru lurraldeetan izan da. Araban %1,9, Bizkaian %2,4 eta Gipuzkoan %3,7. Termino errealetan, azalera handiek urte arteko aldaketa negatiboak izan zituzten hiru lurraldeetan: Araban %-2,4, Bizkaian %-2,0 eta Gipuzkoan %-1,0.

Aurreko hilarekin, 2008ko abuztuarekin alderatuta, desestazionalizatutako salmenten datuek hil arteko %2,5eko igoera izan zuten uneko terminoetan, eta %2,5ekoa baita ere, prezio finkoetan.

Arabako azalera handietako salmentek hil arteko %4,4ko igoera izan zuten (2008ko iraila 2008ko abuztuaren aldean) uneko prezioetan, eta %4,9koa termino finkoetan.

Irailean, Bizkaiko azalera handietako salmentak, uneko terminoetan, %1,7 hazi ziren aurreko abuztuaren aldean; termino finkoetan %1,8.

Iraileko hil arteko igoera nominala %3,0koa izan zen Gipuzkoako azalera handietako salmentei dagokienez, eta euro finkoetan %2,7koa.

Azalera handietako establezimenduetako langile kopurua %-0,2 murriztu zen 2008ko irailean (abuztuarekin alderatuta); %0,2ko aldakuntza positiboa izan zen Araban; Bizkaiak lehengoan (%0,0) dirau eta Gipuzkoan %-1eko jaitsiera izan zen.