EUSTATek landu dituen datuen arabera, 2008ko hirugarren hiruhilekoan, Barne Merkataritzaren Indizeak %4,3ko urte arteko gehikuntza nominala izan zuen, aurreko urteko aldi beraren aldean. Prezioen igoeraren eragina kenduta, merkataritzasektoreko salmentak %1,3 jaitsi ziren, 2008ko hirugarren hiruhilekoan.

Aurreko hiruhilekoaren aldean, desestazionalizatutako salmenten datuek hiruhilekoen arteko %1,5eko igoera izan zuten uneko terminoetan, eta %0,3koa prezio finkoetan.

1. taula.- Urte arteko hazkunde-tasa nominalak. Barne merkataritzako salmenten indizea Egutegi-eragin zuzendua daukaten datuak. Euskal AE

Iturria: EUSTAT

Handizkako sektorean, %5,2 igo ziren urte arteko salmentak, eta txikizkakoan, aldiz, %2,5, 2008ko hirugarren hiruhilekoan. Hazkunde nominal horiek hazkunde errealen balioetan neurtuz gero, prezioen eragin inflazionista kenduta, handizkako sektoreko salmentek %2,2ko jaitsiera izan dute, eta txikizkakoek %0,2ko igoera.

Handizkako sektorean, honako produktuen salmenta nominalak hazi dira: Gai erdi-landuak eta txatarra (%10,0), Nekazaritza-gaiak eta elikagaiak (%4,3), Elikaduraz besteko kontsumo-gaiak (%1,2); Makineria eta tresneria atalenak jaitsi egin dira (%-3,9).

Txikizkako sektorean, merkataritza espezializatuak %2,3ko hazkundea izan du salmenta nominaletan, aurreko urteko hiruhileko beraren aldean. Espezializatu gabeko merkataritzak %3,1ekoa.

Herrialde historikoen arabera, batezbestekoaren gainetik hazi dira Bizkaiko (%4,9) eta Gipuzkoako (%4,6) Barne Merkataritzako Indizeak termino nominaletan; Araban apalagoa da igoera, %1,5. Datu nominal horiek hazkunde errealeko datu bihurtuta, honako emaitzak ditugu: merkataritzako salmentak %0,5 jaitsi ziren Bizkaian, %0,8 Gipuzkoan eta %5,3 Araban.

Araban txikizkako sektorearen salmenten bilakaera positiboa izan da, %0,4, eta handizkakoena %2,1, termino nominaletan. Bizkaian txikizkakoa %3,2 hazi da eta handizkakoa %5,7. Gipuzkoan txikizkakoa %2,2 hazi da eta handizkakoa %5,9.

Euskal AEko merkataritza-sektoreko enplegatuak %0,2 gehitu ziren 2008ko hirugarren hiruhilekoan, aurreko hiruhilekoaren aldean. Araban (%-0,2) jaitsi egin da enplegua aurreko hiruhilekoaren aldean, eta Bizkaian eta Gipuzkoan %0,3 igo da.