Euskal AEko ez-finantzazko enpresen zenbatetsitako ondarea 143.737 milioi euro dira; 2006ko BPG 2,3 aldiz, Eustaten datuen arabera. Euskal AEko ez-finantzazko enpresek 794.627 pertsona enplegatzen dituzte, okupatuen %80,5.

2003-2006 aldian aktiboek izandako hazkundea %35 izan da; ekonomiaren BPGren hazkunde nominala %25 izan da. Ondare hori horrela banatzen da herrialdeen artean: Arabak %17,1; Bizkaiak %53,0 eta %29,9 Gipuzkoak.

Euskal AEko ez-finantzazko enpresen aktibo eta pasiboa 2006.

Iturria: Eustat

Balantzearen aktiboan, Aktibo finkoa %47,4 da, eta Aktibo zirkulatzailea %52,6. Aktibo finkoaren osagarrien artean Ibilgetu materiala nabarmendu behar, %55 delako, eta Ibilgetu finantzarioa, %35. Aktibo zirkulatzailearen barruan bi osagarri nabarmentzen dira: Zordunak (%49) eta Izakinak (%26).

Balantzearen Pasiboari begiratuz gero, hona hemen kontu garrantzitsuenak: Baliabide propioak (%39,1); Pasibo zirkulatzailea (%39,1) eta Epe luzerako galdagarria (%21,8). Baliabide propioen artean, bi osagarri nabarmen: Erreserbak (%44) eta Kapital harpidetua (%36).

Ez-Euskal AEko Ez-finantzazko enpresen ondare masa nagusiak. 2006

Iturria: Eustat

Balantzeak aztertuz gero, Maniobra-funtsak (Aktibo zirkulatzailearen eta Pasibo zirkulatzailearen arteko aldea) agerian jartzen du oreka finantzarioa, epe motzerako zorrak (Epe motzerako pasibo galdagarria) kitatzeko nahiko baliabide sortzen baita.

Zorpetze-ratio osoak agerian jartzen du besteren funtsen eta baliabide guztien arteko harremana, eta Euskal AEn %60,9 da; horrek esan nahi du gure aktiboaren ia bi heren besteren baliabideekin finantzatuta daudela.

Errentagarritasun ekonomikoaren ratioa %6,8 da; haien aktibo guztien gainean enpresek lortzen duten batez besteko etekinaren berri ematen du. Errentagarritasun finantzarioak enpresek beren funtsen gainean lortzen duten batez besteko etekinaren berri ematen du; Euskal AEko enpresena %13,7 da. Bi ratiook funtsezko hobekuntza izan dute orain lau urteko balioen aldean; %26 eta %38 hazi dira.

Aktiboaren sektoreen arteko banaketa ikusiz gero, garbi ikusten da industriaren garrantzia Euskal AEko ekonomiarako. Aktiboen %43 industriaren sektorekoak dira, eta hemen ari da enplegatuen %32. Eraikuntzak aktiboen %9 eta enpleguaren %12 ditu; merkatuko zerbitzuek ondarearen %48 eta enpleguaren %56 dute.

Eraikuntzako enpresen aktiboen osaketan badira aldeak, industria eta zerbitzukoen aldean. Eraikuntzako enpresen ibilgetua aktiboaren %22 da; industrian %49, eta zerbitzuetan %50.

Balantzearen pasiboaren osaketari begiratuz gero, eraikuntzaren epe motzerako zorpetzea %57tik gertu dabil; industriak %37 du eta merkatuko zerbitzuek %38.

Pasiboaren osaketa ezberdin hauen isla da zorpetze osoaren ratioa; eraikuntzan %72,5 da, %58,7 industrian eta %60,6 merkatuko zerbitzuetan.

Sektoreko errentagarritasunari dagokionez: industrian (%7); zerbitzuetan (%6,7); eraikuntzan (%6,5). Kontrakoa gertatzen da errentagarritasun finantzarioan: eraikuntzan (%19,4), industrian (%13,2); zerbitzuetan (%13,5);

METODOLOGI OHARRA Ez-finantzazko enpresen ondare-kontuek balantzeen eta galera eta irabazien kontuen gaineko informazio zehatza ematen dute; lehen sektorea eta bankuak eta aseguruak bazter utzirik, beste jarduera-sektore guztiena.

Araba, Bizkaia eta Gipuzkoako Merkataritza Erregistroetan eta Erregistratzaileen Elkargoan utzitako kontabilitate-egoerak dira estatistika eragiketa honen iturri nagusia. Informazioa lortzen da, baita ere, Justizia, Lan eta Gizarte Segurantzako Saileko Euskadiko Kooperatiben Erregistrotik. 21.000 dira estatistika eragiketa honetan tratatutako kontabilitate-egoerak.