2008ko irailean, Euskal AEko industri prezioak %-0,3 jaitsi ziren, Eustatek landutako datuen arabera. Datu horiek kontuan hartuta, iraileko urte arteko tasa (azken hamabi hilabeteetan industri prezioek izandako aldakuntza laburbiltzen duena) % 10,1 hazi da.

Euskal AEko Industriako Prezioen Indizeak izan dituen ehunekoen bilakaera

(*) 2008ko irailerainoko urte arteko hazkundea.

Iturria: Eustat

Sektorekako azterketa xeheagoak agerian uzten du 2008ko irailean, energia elektrikoa, gasa eta ura (%2,4), ehungintza eta jantzigintza (%0,4), makineria (%0,2) eta kautxu eta plastikoa (%0,2), adarrek igo zituztela gehien prezioak, aurreko hilaren aldean. Bestalde, prezioetan jaitsierak izan zituzten sektoreak honakoak izan ziren: petrolioa fintzea (% -3,6), metalezko eta ez-metalezko meak (%-1,7) metalgintza eta metalezko gaiak (%-0,5), beste manufakturak (%-0,3) eta ez-metalezko industria (% -0,2)

Urte arteko aldian (2008ko iraila, 2007koaren aldean), prezio-hazkunderik handienak honako sektore hauei egokitu zitzaizkien: petrolioa fintzea (%28,7),energia elektrikoa, gasa eta ura (%28,0), metalurgia eta metalezko gaiak (%11,3), metalezko eta ez-metalezko meak (%10,0), eta beste manufakturak (%5,9). Kontrako noranzkoan, jaitsierak edo hazkunde txikiagoak izan zituzten larrugintza eta zapatagintza (%0,1), ez-metalezko industria (%1,4), garraio-materiala (%1,7), material elektrikoa (%2,2), eta zurgintza (%2,2), sektoreetako prezioek.

Ondasunen helburu ekonomikoaren araberako sailkapenari jarraituz, irailean, sektore-talde handien prezioen bilakaerak desberdinak izan ziren: Energiaren prezioak %-1,0 jaitsi dira, Bitarteko ondasunen prezioak %-0,4; Kontsumo-ondasunenak %0,0, aldaketarik ez. Horien barruan, Kontsumo-ondasun iraunkorrenak %0,0 eta Kontsumo-ondasun ez-iraunkorren prezioak %-0,1jaitsi dira. Bestalde, Ekipo-ondasunen prezioak %0,2 igo ziren.

Hiru ondasun-talde horietako prezioen bilakaerek ere alde nabarmenak agertu zituzten urte arteko aldian. Energiaren prezioak %28,4 igo ziren, Bitarteko ondasunenak %8,8, Ekipo-Ondasunenak %2,9, eta Kontsumo-Ondasunenak %4,5. Azken hauen artean, %4,9 igo dira Kontsumo-ondasun ez Iraunkorren prezioak eta %3,5 Kontsumo-ondasun Iraunkorrenak.

Iturria: EUSTAT