Eustatek landutako datuen arabera, 2008ko azaroan Euskal AEko industri prezioak %2,0 jaitsi ziren. Datu horien arabera, azaroko urte arteko tasa (azken hamabi hilabetean industri prezioek izandako aldakuntza laburbiltzen duena) %4,8an da.

Euskal AEko Industriako Prezioen Indizeak izan dituen ehunekoen bilakaera

(*) 2008ko azarora arteko urte arteko hazkundea.

Iturria: Eustat

Sektorekako azterketa xeheagoak agerian uzten du, 2008ko azaroan, Metalezko eta ez-metalezko meak (%1,6), Industria kimikoa (%0,7), Material elektrikoa (%0,4) eta Ehungintza eta jantzigintza (%0,4) adarrek, besteak beste, gehitu zituztela gehien prezioak, aurreko hilaren aldean. Prezioetako jaitsierarik handienak, ostera, honako sektore hauek izan zituzten: Petrolioa fintzea (%-12,7), Metalgintza eta metalezko gaiak (%-2,4), Energia elektrikoa, gasa eta ura (%-1,2) eta Ez-metalezko industria (%-0,9).

Urte arteko aldian (2008ko azaroa, 2007koaren aldean), prezio-hazkunderik handienak honako sektore hauei egokitu zitzaizkien: Energia elektrikoa, gasa eta ura (%22,2), Metalezko eta ez-metalezko meak (%13,9), Industria kimikoa (%6,8), Metalurgia eta metalezko gaiak (%6,4), Kontrako noranzkoan, jaitsierak edo hazkunde txikiagoak izan zituzten Petrolioa fintzea (%-6,1), Larrugintza eta zapatagintza (%-0,7), Ez-metalezko industria (%1,7), Zurgintza (%2,0), Garraio-materiala (%2,0), eta Material elektrikoa (%2,4), sektoreetako prezioek.

Ondasunen helburu ekonomikoaren araberako sailkapenari jarraituz, azaroan, sektore-talde handien prezioen bilakaerak desberdinak izan ziren: Energiaren prezioak %-7,1 jaitsi dira, Bitarteko ondasunen prezioak %-1,6; Kontsumo-ondasunenak %0,0, aldaketarik ez. Horien barruan, Kontsumo-ondasun iraunkorrenetan aldaketarik ez, %0,0, eta Kontsumo-ondasun ez-iraunkorren prezioak %0,1 igo dira. Bestalde, Ekipo-ondasunen prezioak ere ez ziren aldatu (%0,0).

Hiru ondasun-talde horietako prezioen bilakaerek ere alde nabarmenak agertu zituzten urte arteko aldian. Energiaren prezioak %6,6 igo ziren, Bitarteko ondasunenak %5,5, Ekipo-Ondasunenak %2,8, eta Kontsumo-Ondasunenak %3,4. Azken hauen artean, %3,6 igo dira Kontsumo-ondasun iraunkorren prezioak, eta %3,3 Kontsumo-ondasun ez-iraunkorrenak.

Iturria: EUSTAT