Euskadiko A.E.ko industriako prezioak %1,5 jaitsi dira 2008ko urrian, Eustatek prestatutako datuen arabera. Datu horiekin, urriko urte arteko tasa, azken hamabi hilabeteetan industriako prezioen gora-behera jasotzen duena, %7,4 inguruko hazkunde mailan kokatu da.

Euskadiko A.E.ko Industriako prezioen Indizeak izan duen bilakaera-portzentajeetan-

(*) Urte arteko hazkundea 2008ko urria

Iturria: Eustat

Sektorekako analisirik zehatzenak agerian uzten du 2008ko urrian inflaziorik handiena izan duten adarrak, aurreko hilabetearekiko, hauek izan direla: “Mineral metalikoak eta ez metalikoak” (%1,7), “Industria kimikoa” (%0,8), “Energia elektrikoa, gasa eta ura” (%0,7) eta “Garraio materiala” (%0,6), besteak beste. Alderantziz, prezioetan jaitsiera handiena izan duten sektoreak hauek izan dira, besteak beste: “Petrolioa fintzea” (-%11,0), “Metalurgia eta artikulu metalikoak” (-%1,7), “Papera, edizioa eta arte grafikoak” (-%0,4) eta “beste manufaktura batzuk” (-0,3%).

Urte arteko aldian, 2008ko urria 2007ko urriarekiko, prezioen hazkunderik handiena adar hauetan gertatu da: “Energia elektrikoa, gasa eta ura” (%26,1), “Petrolioa fintzea” (%12,8), “Mineral metalikoak eta ez metalikoak” (%10,5), “Metalurgia eta artikulu metalikoak” (%7,6) eta “Industria kimikoa” (%6,5). Aldiz, jaitsiera edo hazkunde txikiagoa izan dute honako sektoreek: “Larru eta oinetakoen industria” (-%0,6), “Egurraren industria” (%1,9), “Garraio materiala” (%2,2), “Industria ez metalikoa” (%2,4) eta “Makineria” (%2,6).

Ondasunen noranzko ekonomikoaren sailkapenari segituz, urrian talde sektorial handiek prezioen eboluzio ezberdina izan dute. Energiaren prezioak %5,7 jaitsi dira, Bitarteko Ondasunenak %1,0 jaitsi, eta Kontsumo-ondasunak guztira %0,1 igo dira, izan ere Kontsumo-ondasun ez iraunkorrak %0,1 igo dira eta Kontsumo-ondasun iraunkorrak ez dira aldatu (%0,0). Ekipamendu-ondasunen prezioak %0,2 igo dira.

Ondasun multzo handi hauen prezioen eboluzioak agertzen du intentsitate ezberdinak egon direla urte arteko aldian. Energiari dagozkionak %18,8 igo dira, Bitarteko Ondasunenak %6,3, Ekipamendu-ondasunenak %3,1, eta Kontsumo- ondasunei dagokienak %3,8 igo dira. Azken hauetan, %3,9 igo dira Kontsumo-ondasun ez iraunkorren prezioak eta %3,5 Kontsumo-ondasun iraunkorren prezioak.

Iturria: EUSTAT