EUSTATen datuen arabera, eta lan-egutegi homogeneoa hartuta, Euskal Autonomia Erkidegoko azalera handietako salmentak %2,9 gutxitu dira 2008ko abenduan. Prezioen eragin inflazionista kenduz gero, aurreko urteko abenduko urtetik urterako tasa %4,1 gutxitu da, euro konstanteetan.

2008ko abenduan, eta urte bereko azaroaren aldean, desestazionalizatutako hileko datuek %0,5eko gutxitzea erakutsi dute prezio konstanteetan.

Elikagaien salmentek, Euskal Autonomia Erkidegoan, %2,5eko urte arteko hazkunde nominala izan dute 2008ko abenduan; eta gainerako salgaiek %5,8ko gutxitzea izan dute.

Balio errealetan, elikagaien salmentak %0,9 gutxitu dira eta gainerako salgaiak %5,8.

1. taula. Azalera handietako merkataritzaren indizea, lurralde historikoaren arabera. Prezio konstanteak. Egutegiaren ondorioen datu zuzenduak.

Iturria: EUSTAT

Araban, salmentek %5,8ko gutxitze nominala izan dute; Bizkaian gutxitzea %3,1ekoa izan da eta Gipuzkoan %0,8koa. Balio errealetan, hiru lurraldeetako azalera handiek ere urtetik urtera aldaketa negatiboak izan dituzte: Araban %6,9 murriztu dira, Bizkaian %4,0 eta Gipuzkoan %2,7.

Arabako azalera handietako salmentak %0,4 gehitu dira hilabete batetik bestera eta prezio konstanteetan. Bizkaian, azalera handietako salmentak %1,1 jaitsi dira hilabete arteko aldi berean; aitzitik Gipuzkoan %0,1 gehitu dira euro konstanteetan.

Azalera handietako establezimenduetako langile kopuruan ez da aldaketarik egon (%0,0%) 2008ko abenduan, urte bereko azaroaren aldean betiere. Araban %0,2 gehitu da kopuru hori, Bizkaian %0,7 jaitsi da eta Gipuzkoan %1,6 gehitu da.

2008. URTEKO BALANTZEA

Euskal Autonomia Erkidegoko azalera handietako salmentek %1,0eko jaitsiera nominala izan dute 2008ko hamabi hilabeteetan zehar, aurreko urte osoaren aldean. Prezioen eragina kenduz gero hazkunde hori -%4,9ko tasa erreala bihurtzen da, lan-egutegi homogeneoa hartuta betiere.

Lurralde historikoka 2008. urte osoan metatu diren bilakaerak ondokoak dira: Araban %4,4 gutxitu dira salmentak, Bizkaia %1,1 jaitsi dira eta Gipuzkoa %1,1 gehitu dira, balio nominaletan guztiak. Balio errealetan, aldiz, hiru lurraldeetan egon dira gehikuntza negatiboak: Araban -%8,0koa, Bizkaian -%4,8koa eta Gipuzkoan -%3,2koa.

Azalera handietako merkataritzaren indizea, lurralde historikoaren arabera. 2008. urteko balantzea. Salmentak

Iturria: EUSTAT