2008ko abenduan, Euskal AEko industri prezioak %-2,2 jaitsi ziren EUSTATek landutako datuen arabera. Urte osoan, hazkundea %1,9koa izan zen.

Euskal AEko industri prezioen indizearen bilakaera, ehunekotan

Iturria: EUSTAT

2008ko abenduan, beti ere aurreko hilaren aldean, “Ehungintza eta jantzigintza“ (%1,6) ), “Metalezko eta ez-metalezko meak” (%1,3) “Makineria” (%0,6), “Energia elektrikoa, gasa eta ura” (%0,4) eta “Industria kimikoa” (%0,4) adarrek igo zituzten gehien prezioak. Bestalde, prezioetan jaitsierak izan zituzten sektoreak honakoak izan ziren: “Petrolioa fintzea” (% -15,9), “Metalgintza eta metalezko gaiak” (%-2,9), “Kautxua eta plastikoa” (%-0,8) eta “Beste manufakturak” (% -0,8), besteren artean.

Ondasunen helburu ekonomikoaren araberako sailkapenari jarraituz, abenduan, aurreko hilaren aldean, Energiaren prezioek %-7,4ko jaitsiera izan zuten eta Bitarteko ondasunenek %-2,2koa. Ekipo-ondasunetan %0,2ko igoera izan zen eta Kontsumokoetan %0,1ekoa. Kontsumo-ondasunen osagaien artean, Kontsumo-ondasun ez-iraunkorrek %0,2ko igoera izan dute eta Kontsumo-ondasun iraunkorrek aldaketarik ez (%0,0).

2008. URTEKO BALANTZEA

2008ko urtarrilaren 1etik abenduaren 31ra bitarteko epean, prezio-hazkunderik handienak honako sektore hauei egokitu zaizkie: “Energia elektrikoa, gasa eta ura” (%14,2), “Metalezko eta ez-metalezko meak” (%13,1), “Ehungintza eta jantzigintza” (%7,1) eta “Industria kimikoa (%6,8). Kontrako noranzkoan, jaitsierak edo hazkunde txikiagoak izan zituzten: “Petrolioa fintzea” (%-21,6), “Larrugintza eta zapatagintza” (%-0,8), “Ez-metalezko industria (%1,5), eta Garraio-materiala (%1,8).

Ondasunen helburu ekonomikoaren araberako sailkapenean: Energia %-4,7 jaitsi da, Ekipoondasunak %3,2 igo; Bitarteko ondasunak %3,4, eta Kontsumoondasunek %3,4. Azken horiek, aldi berean, Kontsumoondasun iraunkorren eta Kontsumo ondasun ez-iraunkorren artean banatuta daude. Lehenengoen prezioak %3,5 igo dira eta bigarrenen prezioak %3,3.

Iturria: EUSTAT