2010/02/25eko prentsa-oharra
Euskal AEko azalera handietako salmentak %5,7 gehitu ziren 2010eko urtarrilean
Elikagaiek urte arteko %1,6ko jaitsiera izan zuten eta gainerako produktuek %9,0ko igoera
EUSTATek landutako datuen arabera, lan egutegiko baldintza homogeneoetan, 2010eko urtarrilean %5,7ko urte arteko igoera nominala izan zuten Euskal AEko azalera handietako salmentek. Bi sektore handiek jokaera ezberdinak izan zituzten urtarrilean: elikagaien salmentek %1,6ko urte arteko jaitsiera nominala izan zuten, eta gainerako salgaienek %9,0ko igoera.
Salmentek %15,5eko igoera nominala izan zuten Gipuzkoan (azalera berriak ireki dira) eta %3,2koa Bizkaian; Araban %0,9ko jaitsiera izan zen.
Aurreko hilaren, 2009ko abenduaren aldean, desestazionalizatutako salmenten datuek hil arteko %2,1eko jaitsiera izan zuten uneko terminoetan Euskal AEn. Arabako azalera handietako salmentek hil arteko %2,3ko jaitsiera izan zuten; Bizkaian, %1,7koa eta Gipuzkoan %2,7koa, jaitsiera nominalak beti.
Termino finkoetan azalera handietako salmentek %4,9ko hazkundea izan zuten.
Salmenten guztirakoaren hazkunde hau, behin prezioen eragina deskontaturik, bi sektore handien bilakaera ezberdinetan gauzatzen da. Elikagaien salmentak %0,9 jaitsi ziren eta gainerako produktuenak %7,4 igo, euro finkoetan.
Termino errealetan, azalera handiek urte arteko aldaketa positiboa izan zuten Gipuzkoan (%15,4) eta Bizkaian (%2,3). Araban, berriz, %1,5eko jaitsiera.
2009ko abenduaren aldean, Euskal AEko azalera handietako salmentek %2,0ko jaitsiera izan zuten prezio finkoetan. Hiru herrialdeek, termino errealetan hazkunde negatiboak izan zituzten aurreko hilaren aldean. Araban %2,1 jaitsi ziren salmentak, Bizkaian %1,5 eta Gipuzkoan %2,8, euro finkoetan eta 2009ko abenduaren aldean.
Azalera handietako establezimenduetako enplegatuak %0,1 handitu ziren 2010eko urtarrilean 2009ko abenduaren aldean, desestazionalizatutako terminoetan. Gipuzkoan %1,0, baina Araban %-0,2, eta Bizkaian %-0,3.
Argibide gehiago nahi izanez gero:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel:+34-945-01 75 00 Faxa:+34-945-01 75 01 Posta elek.: eustat@eustat.es
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Prentsa-oharrak Interneten: www.eustat.es
Datu-bankua: www.eustat.eus/bancopx/euskara/indice.aspx