2010-05-26ko prentsa-oharra
Euskal AEko azalera handietako salmentak %0,6 igo dira 2010eko apirilean
Elikagaien salmentek %8,1 egin dute behera urte batetik bestera eta gainerako produktuen salmenta %6,4 igo da
EUSTATen datuen arabera, eta lan-egutegi homogeneoari dagokionez, Euskal AEko azalera handietako salmentek urtetik urtera %0,6ko gehikuntza nominala izan dute 2010eko apirilean. Bi sektore nagusienek portaera ezberdina izan dute apirilean. Elikagaien salmentek %8,1eko beherakada nominala izan dute urte batetik bestera; eta gainerakoen salmentek %6,4ko gehikuntza izan dute.
Salmenten gehikuntza nominala Gipuzkoan bakarrik eman da, %9,2ko igoerarekin (azalera berriak ireki direla kontuan hartuta). Bizkaian salmentek %2,1 egin dute behera eta Araban %5,5eko beherapena eman da.
2010eko martxoaren aldean, salmenten gaineko datuek (desestazionalizatu ostean) erakusten dute hil artean %8,2ko beherakada izan dela urteko prezioetan Euskal AE osoan. Apirilean, martxoaren aldean, Arabako azalera handien salmentek %9,6 egin dute behera hilabete batetik bestera, Bizkaikoek %8,9 egin dute behera apirilean (martxoarekin alderatuta) eta Gipuzkoan %6,2 egin dute behera; horiek guztiak, betiere, balio nominaletan.
Prezio konstanteetan, azalera handien salmentek %0,6 egin dute behera
Salmenta guztien beherakadak bilakaera ezberdina izan du azpisektore nagusienetan, prezioen eragina kendu ostean. Elikagaien salmentek %8,4 egin dute behera eta gainerako produktuenek %4,4 egin dute gora, euro konstanteetan.
Balio errealetan, Gipuzkoako azalera handietan urte batetik bestera aldakuntza positiboa eman da (%8,7), Bizkaikoek %3,2 egin dute behera eta Arabakoak %7,4 jaitsi dira.
2010eko martxoaren aldean, Euskal AEko azalera handietako merkataritzaren salmentek prezio konstanteetan %8,0 egin dute behera. Hiru lurraldeetan eman dira aldaketa negatiboak: Araban %9,7ko beherapena eman da, Bizkaian %8,6koa, balio errealetan, eta Gipuzkoan %6,0koa; datu horiek guztiak euro konstantetan neurtu dira eta betiere 2010eko martxoko datuekin alderatu dira.
2010eko apirilean azalera handietako establezimenduetako langileen kopuruak %0,2 egin du gora, martxoaren aldean; are gehiago, datuak desestazionalizatuta, aldagai hori positiboa izan da hiru lurraldeetan: Gipuzkoan %0,4 igo da kopurua; eta Araban eta Bizkaian %0,2 eta %0,1, hurrenez hurren.
Argibide gehiago:
Euskal Estatistika-Erakundea / Instituto Vasco de Estadística
Donostia-San Sebastian kalea, 1. 01010 Vitoria-Gasteiz
Tel.:+34-945-01 75 00 Faxa: +34-945-01 75 01 Helb. elek.: eustat@eustat.es
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
AHMI-Azalera Handietako Merkataritzaren Indizeari buruzko prentsa-ohar gehiago
Azalera Handietako Merkataritzaren Indizeari buruzko datu-bankua