2010/11/26ko prentsa-oharra
Euskal AEko azalera handietako salmentak %2,3 gehitu ziren 2010eko urrian
Elikagaiek urte arteko %0,2ko jaitsiera izan zuten eta gainerako produktuek %3,6ko igoera
Eustatek landutako datuen arabera, lan-egutegiko baldintza homogeneoetan, 2010eko urrian %2,3ko urte arteko igoera nominala izan zuten Euskal AEko azalera handietako salmentak. Elikagaietan %0,2ko urte arteko jaitsiera nominala izan zen salmentetan, eta gainerako produktuenetan %3,6ko igoera.
Urte artean, Gipuzkoan %6,4ko urte arteko igoera nominala dugu salmentetan; Bizkaian %1,5ekoa da; Araban, berriz, %2,6ko jaitsiera.
Aurreko hilaren, 2010eko irailaren aldean, Euskal AE osoan salmentak %3,4 igo ziren nominalki. Elikagaiek %0,9ko hil arteko igoera izan zuten salmentetan eta gainerako produktuek %4,7koa. Hazkunderik handiena Bizkaian, %5,3 aurreko hilaren aldean. Gipuzkoan %1,4ko igoera; Araban apalagoa da, %0,4.
Termino finkoetan, Euskal azalera handietako salmentak %0,2 hazi dira urte artean eta %3,1 aurreko hilaren aldean
2009ko urriaren aldean elikagaien salmentak %1,5 jaitsi ziren eta gainerako produktuenak %1,0 igo euro finkoetan. Araban (%4,7) eta Bizkaian (%0,6) jaitsierak daude; Gipuzkoan %4,3ko igoera, termino finkoetan.
Elikagaien salmentak, prezioen eragina deskontaturik, %0,7 igo dira 2010eko irailaren aldean eta gainerako produktuenak %4,3.
Bizkaian %5,0ko igoera dago, Gipuzkoan %1,1ekoa. Arabak lehengoan dirau (%0,0) termino errealetan.
Azalera handietako establezimenduetako enplegatu-kopurua ez zen aldatu (%0,0) 2010eko urrian irailaren aldean, desestazionalizatutako terminoetan. Araban %1,9 igo zen; Bizkaian %0,2 jaitsi zen eta Gipuzkoan %0,5.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua