2011/01/26ko prentsa-oharra
Euskal AEko azalera handietako salmentak %5,3 jaitsi ziren 2010eko abenduan
2010 osoan, azalera handietako salmentak %1,1 gehitu ziren 2009. urtearen aldean.
Eustatek landutako datuen arabera, lan-egutegiko baldintza homogeneoetan, 2010eko abenduan %5,3ko urte arteko jaitsiera nominala izan zuten Euskal AEko azalera handietako salmentak. Elikagaietan %2,2ko urte arteko jaitsiera nominala izan zen salmentetan, eta gainerako produktuenetan %6,9koa.
Urte artekoan, hiru lurraldeetan jaitsi dira salmentak. Araban %2,7; Bizkaian %6,1, Gipuzkoan %5,1.
Aurreko hilaren, 2010eko azaroaren aldean, Euskal AE osoan salmentak %1,0 jaitsi ziren nominalki. Elikagaiek %1,3ko hil arteko jaitsiera izan zuten salmentetan eta gainerako produktuek %0,8koa.
Azaroaren aldean, salmenta guztien igoera bakarra Araban izan da, %2,1. Bizkaian %0,2 jaitsi dira eta Gipuzkoan %3,9.
Termino finkoetan, Euskal azalera handietako salmentak %7,9 murriztu dira urte artean eta %1,7 aurreko hilaren aldean
2009ko abenduaren aldean elikagaien salmentak %4,1 jaitsi ziren eta gainerako produktuenak %9,8, euro finkoetan. Bizkaian %8,8 jaitsi dira; Gipuzkoan %7,5, eta Araban %5,5, termino finkoetan.
Elikagaien salmentak, prezioen eragina deskontaturik, %1,9 jaitsi dira aurreko hilaren, 2010eko abenduaren aldean, eta gainerako produktuenak %1,6. Gipuzkoan %4,6ko jaitsiera, Bizkaian %0,9koa; Araban %1,3ko igoera, termino errealetan.
Azalera handietako establezimenduetako enplegatuak %0,1 gehitu ziren 2010eko abenduan azaroaren aldean, desestazionalizatutako terminoetan. Araban %1,2, eta Bizkaian %1,6. Gipuzkoan %3,1eko jaitsiera.
2010 URTEKO BALANTZEA
Azalera handietako salmentek %1,1eko igoera nominala izan dute 2010 osoan, aurreko urtearen aldean. Behin prezioen eragina kenduta, %-0,5eko tasa erreala dugu, lan-egutegiko baldintza homogeneoetan.
Lurralde historikoetan, 2010 osoan metatutako bilakaerak honakoak dira: Araban %1,8 jaitsi dira salmentak, Bizkaian %0,8; Gipuzkoan %6,4 igo, nominalki beti. Termino errealetan, Araban (%-3,5) eta Bizkaian(%-2,4); Gipuzkoan %5,2ko igoera.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua